پرەزيدەنت: رەسەيدىڭ اسكەري تۇرعىدان جەڭىلمەيتىنى انىق

فوتو: اشىق دەرەككوز

كانتسلەر شولتسپەن كەلىسسوز بارىسىندا ايتقانىمداي, رەسەيدىڭ اسكەري تۇرعىدان جەڭىلمەيتىنى انىق. Astana Think Tank فورۋمىنىڭ پلەنارلىق وتىرىسىندا ءسوز سويلەگەن قاسىم-جومارت توقاەۆ وسىلاي دەدى, – دەپ حابارلايدى qandastar.kz atamekenbusiness_qaz-عا سىلتەمە جاساپ.

«بۇل – رەسەيدىڭ اسكەري الەۋەتى, پرەزيدەنت پۋتين جۇرگىزىپ وتىرعان ساياساتتى حالقىنىڭ قولداۋى جانە تاريحتىڭ ءوزى دالەلدەپ وتىرعان فاكت. سوندىقتان ءبىز قاقتىعىستى بەيبىت تۇردە شەشۋ جولدارىن قاراستىرۋدى, بارلىق مەملەكەتتىڭ, سونىڭ ىشىندە قىتاي مەن برازيليانىڭ اقىلعا قونىمدى جوسپارلارىن قولدايمىز. باسقا جول جوق. ايتپەسە, سوعىس قوس تاراپتى دا جويىپ تىنادى. كەيبىر الەمدىك كۇشتەر بۇعان مۇددەلى شىعار. بىراق بۇل تىعىرىققا تىرەيتىن جول. كونسترۋكتيۆتى كەلىسسوزدەر ارقىلى بەيبىتشىلىككە ۇمتىلۋ – السىزدىكتىڭ بەلگىسى ەمەس, كەرىسىنشە, ستراتەگيالىق پاراساتتىلىقتىڭ كورىنىسى», – دەدى پرەزيدەنت.

مەملەكەت باسشىسى ەلىمىزدىڭ يرانمەن يادرولىق قارۋ ماسەلەسىندە مامىلەگە كەلۋگە, سيريا بويىنشا كەلىسسوز جۇرگىزۋگە, سونداي-اق جاقىندا عانا ارمەنيا مەن ازەربايجان اراسىنداعى كەزدەسۋگە ارنايى الاڭ ۇسىنعانىن ەسكە سالدى.