پرەزيدەنت رەسەيدىڭ پرەمەر-مينيسترىمەن كەزدەستى

فوتو: اقوردا

مەملەكەت باسشىسى «اقوردا» رەزيدەنتسياسىندا ەۋرازيالىق ۇكىمەتارالىق كەڭەسكە جانە Digital Almaty 2025 تسيفرلىق فورۋمىنا قاتىسۋ ءۇشىن قازاقستانعا كەلگەن رەسەيدىڭ پرەمەر-ءمينيسترى ميحايل ميشۋستينمەن كەزدەسۋ وتكىزدى, – دەپ حابارلايدى qandastar.kz سايتى اقورداعا سىلتەمە جاساپ.

كەزدەسۋدە ەكى ەلدىڭ ستراتەگيالىق سەرىكتەستىگىن دامىتۋ پەرسپەكتيۆاسى تالقىلانىپ, ساۋدا-ەكونوميكالىق, ينۆەستيتسيالىق ىنتىماقتاستىقتى, سونىڭ ىشىندە ەۋرازيالىق ەكونوميكالىق وداق اياسىنداعى قارىم-قاتىناستى جانداندىرۋعا باسا نازار اۋدارىلدى. قاسىم-جومارت توقاەۆ ەكى ەل اراسىنداعى دوستىق پەن تاتۋ كورشىلىكتى نىعايتۋعا ميحايل ءميشۋستيننىڭ قوسقان ۇلەسىن جوعارى باعالادى. سونىمەن قاتار رەسەي فەدەراتسياسىنىڭ پرەزيدەنتى ۆلاديمير ءپۋتيننىڭ بىلتىر 27 قاراشادا استاناعا جاساعان مەملەكەتتىك ساپارى كەزىندە قول جەتكىزىلگەن ۋاعدالاستىقتاردى جۇزەگە اسىرۋدىڭ وزەكتى ەكەنىن اتاپ ءوتتى.