Prezıdent Sheteldik ınvestorlar keńesiniń otyrysyn ótkizdi

Memleket basshysy Sheteldik ınvestorlar keńesiniń 37-shi plenarlyq otyrysyn ótkizdi, dep habarlaıdy qandastar.kz

Qasym-Jomart Toqaev Sheteldik ınvestorlar keńesi memleket pen onyń halyqaralyq seriktesteri arasyndaǵy strategııalyq yqpaldastyqtyń senimdi platformasy retinde aldaǵy ýaqytta da qyzmet kórsete beretinin atap ótti.

– Atalǵan forým jıyrma jyldan astam ýaqyt boıy Qazaqstanda ınvestıııaǵa baǵdarlanǵan ekojúıe qalyptastyrýda mańyzdy ról atqaryp keledi. Biz Keńestiń belsendi qatysýymen elimizde ınvestıııalyq ahýaldy jaqsartýǵa, ashyqtyqty arttyrýǵa jáne kásipkerlik júrgizý sharttaryn jeńildetýge baǵyttalǵan keshendi reformalardy odan ári jalǵastyrýǵa nıettimiz, – dedi Memleket basshysy.

Prezıdenttiń aıtýynsha, sarapshylar taıaý jyldary jahandyq IJО́ ósimi shamamen 2,9 paıyzǵa deıin baıaýlaıtynyn boljap otyr.

– Búginde ınflıaııalyq qysymnyń kúsheıgeni, jahandyq jetkizý tizbegindegi kedergilerdiń jáne iskerlik ortadaǵy baǵdarsyzdyqtyń artqany baıqalady. Mundaı úrdister álem ekonomıkasynyń perspektıvasyn nasharlata túsýi yqtımal. Bul halyqaralyq syndarly dıalogtyń qajet ekenin kórsetedi. Qazaqstan sekildi elderdiń ekonomıkasy osyndaı syn-qaterler kezinde syrtqy daǵdarystarǵa tótep bere aldy. Bıylǵy bes aıda Qazaqstan ekonomıkasy 6 paıyzǵa ósti. Oǵan kólik jáne logıstıka, qurylys, saýda, taý-ken ónerkásibi jáne óńdeý salalary kóp úles qosty, – dedi Prezıdent.

Qasym-Jomart Toqaevtyń pikirinshe, Qazaqstannyń strategııalyq turǵydan ornalasýy, adamı kapıtaly jáne reformalardy jan-jaqty júrgizýi ınvestorlarǵa da, ulttyq ekonomıkaǵa da mol múmkindik beredi. Prezıdent ınvestorlardyń máselesin «osy jerde jáne dál qazir» qaǵıdaty boıynsha jedel sheshýge baǵyttalǵan Investıııalyq shtab qyzmetine toqtaldy. Atalǵan shtab 70 mıllıard dollardy quraıtyn 137 ınvestıııalyq jobaǵa qoldaý kórsetti. Sondaı-aq zańnamaǵa ınvestorlardyń problemasyn júıeli túrde sheshýdi kózdeıtin 140 túzetý engizýge bastamashy boldy.