Álem jańalyqtary
Prezıdent ShYU sammıtinen ne kútetinin aıtty
Foto: Tengrınıýs
2-4 shilde kúnderi Prezıdent Qasym-Jomart Toqaevtyń shaqyrýymen Qytaı Halyq Respýblıkasynyń Tóraǵasy Sı zınpın Qazaqstanǵa memlekettik saparmen keledi. Sondaı-aq Shanhaı yntymaqtastyq uıymyna múshe memleketter basshylary keńesiniń 24-shi otyrysyna qatysady. Sapar qarsańynda Qazaqstan Respýblıkasynyń prezıdenti Qasym-Jomart Toqaev Sınhýa agenttigine jazbasha suhbat berdi.
Ol suhbatta Shanhaı yntymaqtastyq uıymymen erekshe qarym-qatynasta ekenin atap ótti.
«1996 jyly sáýirde onyń qurylýyna qatysýǵa, kelissózderge jáne qujattardy daıyndaýǵa qatysýǵa múmkindigim boldy. «Shanhaı bestigi» qurylýynyń basynda ózderiniń ambıııalaryn kórsetti jáne búgingi kúnge deıin senim sharalaryn arttyrý tóńireginde qalyptasty», — dedi Toqaev.
Prezıdenttiń aıtýynsha, bıyl 3 shildede, shırek ǵasyrdan sál astam ýaqyttan keıin Shanhaı keńistiginiń jıyny Qazaqstanǵa qaıta oralýynyń sımvolıkalyq máni bar.
«Osy jyldar ishinde Shanhaı bestiginiń quramy eki esege artyp, Astanadaǵy sammıtten Uıym tolyqqandy Shanhaı ondyǵy formatynda jumys isteı bastaıdy. ShYU-ǵa tóraǵalyq óte mańyzdy jáne sonymen birge óte jaýapty mıssııa ekenin erekshe atap ótkim keledi. Uıymnyń negizin qalaýshylardyń biri jáne kópjaqty dıalogty damytýdyń belsendi qoldaýshysy retinde Qazaqstan Uıymdy óziniń teńgerimdi syrtqy saıasatyndaǵy turaqty basymdyq retinde qarastyrady», — dedi memleket basshysy.
Memleket basshysynyń aıtýynsha, dál osy ýájder Qazaqstan tóraǵalyǵynyń qaǵıdattary men keń aýqymdy kún tártibin ázirleýde basshylyq etti.
«Bizdiń kúsh-jigerimiz qaýipsizdik máselelerin sheshýdiń ortaq tásilderin ázirleýge, saýda-ekonomıkalyq yntymaqtastyqty nyǵaıtýǵa, qorshaǵan ortany qorǵaýǵa jáne halyqtarymyz arasyndaǵy dostyq baılanystardy nyǵaıtýǵa baǵyttalatyn bolady», — dedi prezıdent suhbatynda.
Toqaevy uıymnyń iri halyqaralyq jáne óńirlik qurylymdarmen baılanysyn keńeıtý arqyly onyń halyqaralyq bedelin odan ári nyǵaıtý mańyzdy mindet ekenine toqtaldy. Memleket basshysynyń sózinshe, qazirdiń ózinde 150-den astam is-shara ótkizildi: Nıý-Iorkten Beıjińge, Naırobıden Máskeýge deıin. Osylaısha, ShYU seriktesteriniń sheńberi keńeıip, quqyqtyq baza birqatar qujattarmen tolyǵady.
«Tóraǵalyǵymyzdyń sharyqtaý shegi Astanadaǵy sammıt bolmaq, oǵan biz kóbirek kóńil bólemiz. Biz ShYU qyzmetin odan ári jetildirý salasynda strategııalyq mańyzdy sheshimder qabyldanady dep kútemiz. Orta merzimdi kezeńge arnalǵan ózara is-qımyldyń negizgi baǵyttary aıqyndalyp, aǵymdaǵy syn-qaterler men qaýip-qaterlerge ýaqtyly den qoıý úshin bastamalar ázirlenetin bolady. Sammıttiń qorytyndy sheshimderinde «Shanhaı rýhynyń» irgeli qaǵıdattary – ózara senim, dostyq, tıimdilik jáne bir-biriniń múddelerin eskerý tolyq qamtylady dep kútemiz», — dedi prezıdent Sınhýa agenttinige bergen suhbatynda.
