Prezıdent sý sharýashylyǵy salasynyń qyzmetkerlerin marapattady

Prezıdent sý sharýashylyǵy qyzmetkerlerin kásibı merekesimen quttyqtap, sý – búkil tirshiliktiń kózi, álemdegi barlyq el úshin asa mańyzdy strategııalyq resýrs ekenin aıtty, dep habarlaıdy Qandastar.kz.

– Bizdiń keń baıtaq jerimiz bar. Alaıda el aýmaǵynyń jartysynan kóbi shól jáne shóleıt jerler. Sondyqtan Qazaqstan úshin sý máselesi ulttyq qaýipsizdik máselesi desek, artyq bolmaıdy. Bul sala árdaıym memlekettiń aıryqsha nazarynda. 2023 jyly halyqqa Joldaýymda men sýdy tıimdi paıdalaný jaıyna erekshe toqtaldym. Elimizde Sý resýrstary jáne ırrıgaııa mınıstrligi quryldy. Naqty mindetter aıqyndalyp, aýqymdy reformalar qolǵa alyndy. Jańa Sý kodeksi qabyldandy. Iri ınfraqurylymdyq jobalar júzege asyrylyp jatyr. Sý nysandaryn salýǵa jáne qalpyna keltirýge qomaqty qarajat bólindi. Shetelden ınvestıııa tartylýda. Qazir osy salada 30 myńǵa jýyq adam jumys isteıdi. Olar qala men aýyldy, óndirister men egis alqaptaryn sýmen qamtamasyz etýde, – dedi Qasym-Jomart Toqaev.

Prezıdent sý salasynda myqty mamandar áli de jetispeıtinin atap ótti.

– Byltyr Qazaq ulttyq sý sharýashylyǵy jáne ırrıgaııa ýnıversıteti quryldy. Osy mamandyqqa bólinetin grant sany eki ese artty. 500-den astam stýdent bıýdjet qarjysyna bilim alyp jatyr. Olar oqýyn aıaqtaǵan soń «Dıplommen – aýylǵa» baǵdarlamasy aıasynda jumys isteı alady. Sondaı-aq 120 qyzmetker Qytaıda tájirıbe almasyp, qosymsha bilim alýda. Sý sharýashylyǵy mamandarynyń áleýmettik jaǵdaıyn jaqsartýǵa basa mán berilýde. Byltyr olardyń jalaqysy 25 paıyzǵa ósti. Bıyl da kóbeıedi. Bir sózben aıtsaq, júıeli jumys istelip jatyr, – dedi Memleket basshysy.

Saltanatty is-sharada Qasym-Jomart Toqaev Qazaqstannyń sý sharýashylyǵyn damytýǵa eleýli úles qosqan bir top azamatty memlekettik nagradamen marapattady. Byltyr «Qazaqstannyń sý sharýashylyǵy salasynyń eńbek sińirgen qaıratkeri» qurmetti ataǵy bekitildi. Búgin osy ataq birqatar ardagerge berildi.