Prezıdent: «Sý tasqyny kezindegi barlyq shyǵyndaryńyzdy óteımiz»

Prezıdent: «Sý tasqyny kezindegi barlyq shyǵyndaryńyzdy óteımiz. Árbir azamatqa, árbir otbasyna memleket tarapynan qamqorlyq kórsetiletin bolady. Bul men úshin qazir birinshi kezektegi mindet»

Memleket basshysy elimizdiń birqatar óńirindegi sý tasqynyna baılanysty qalyptasqan kúrdeli jaǵdaıdy eskere otyryp, sondaı-aq bıýdjet qarjysyn únemdeý maqsatynda Úkimetke, ortalyq memlekettik jáne jergilikti atqarýshy organdarǵa ımıdjdik jáne basqa da iri is-sharalardy ótkizbeý jóninde tapsyrma berdi

– Men bıýdjet qarjysyn únemdeý maqsatynda iri halyqaralyq forýmdy ótkizýden bas tarttym. Sonymen qatar Dúnıejúzilik kóshpendiler oıyndaryna jumsalatyn shyǵyndy qysqartamyz. Árıne, qazir bul sharadan túpkilikti bas tartý múmkin emes. Biraq oǵan jumsalatyn qarjy kólemi aıtarlyqtaı azaıady. Budan bólek, elimizdiń Tokıoda ótetin Dúnıejúzilik kórmege qatysýyna bólingen bıýdjet te qysqarady, – dedi Prezıdent.

Qasym-Jomart Toqaev barlyq memlekettik organǵa sý tasqyny saldarynan sabaq alýy kerek ekenin aıtty.

– Bizde mundaı apattardy aldyn ala eskertý júıesi jetispeıdi. Qajetti mamandar da tapshy. Qazir gıdrotehnık kadrlardy daıarlaý týraly shuǵyl sheshim qabyldandy, – dedi Memleket basshysy.