جاڭالىقتار
پرەزيدەنت سۋديا جانە سوت قىزمەتكەرلەرى كۇنىمەن قۇتتىقتادى
مەملەكەت باسشىسى قاسىم-جومارت توقاەۆ بۇگىن سۋديا جانە سوت قىزمەتكەرلەرى كۇنىمەن قۇتتىقتادى, دەپ حابارلادى Qandastar.kz اقپارات پورتالى.
«قۇرمەتتى سۋديالار جانە سوت قىزمەتكەرلەرى بيىل – سوت تورەلىگىن اتقارۋعا جاۋاپتى ازاماتتار ءۇشىن ايرىقشا ماڭىزدى جىل. سەبەبى, وسىدان 30 جىل بۇرىن ەل ەگەمەندىگىنىڭ, ادامداردىڭ قۇقىقتارى مەن بوستاندىقتارىن ساقتاۋدىڭ مىزعىماس تىرەگى سانالاتىن قازاقستان كونستيتۋتسياسى قابىلداندى», — دەپ جازدى مەملەكەت باسشىسى.
پرەزيدەنتتىڭ سوزىنشە, قۋاتتى ءارى تاۋەلسىز سوت جۇيەسى قۇقىق ۇستەمدىگىن قامتاماسىز ەتۋ, سونداي-اق «زاڭ جانە ءتارتىپ» قاعيداتىن ورنىقتىرۋ ىسىندە شەشۋشى ءرول اتقارادى.
