Prezıdent tapsyrmasymen Bektenov turǵyn úıdi qalpyna keltirý belsendiligin arttyrý kerektigin aıtty

Oljas Bektenov SQO-nyń oń tájirıbesin atap ótip, batys óńirlerdiń ákimdikterine turǵyn úıdi qalpyna keltirý qarqynyn arttyrýdy tapsyrdy,-dep habarlaıdy Qandastar.kz

Premer-Mınıstr Oljas Bektenov Úkimet otyrysynda ótken aptada Soltústik Qazaqstan oblysynda bolǵan jóndeý jáne qurylys jumystarynyń barysyn jaqsy dep baǵalady.
Bul rette Úkimet basshysy basqa óńirler áli qajetti qarqyndy ala-almaı otyrǵanyn atap ótti.

«Men ótken aptada Soltústik Qazaqstan oblysyna bardym. Jóndeý jáne qurylys jumystarynyń qarqyny jaqsy. Basqa óńirler áli qajetti qarqyndy ala-almaı otyr. Taǵy da eske salamyn – jaz mezgili qysqa, bárin belgilengen merzimde, ári sapaly etip jasaýǵa biraz ýaqyt talap etiledi. О́kinishke qaraı, jergilikti bılik organdarynyń jumysynda salǵyrttyq, sheshim qabyldaýda baıaýlyq, uıymdastyrý isinde álsizdik baıqalady. Ásirese Batys Qazaqstan jáne Atyraý oblystarynyń belsendiligin arttyrý qajet. Merzimderdi múldem buzýǵa bolmaıdy.

Sondaı-aq kóptegen óńirlerde sý tasqynymen kúresý úshin qum men sazdan úıindiler jasaldy, topyraq salynǵan qaptar paıdalanyldy. Endigi kezekte ákimdikter bárin órkenıetti túrge keltirý kerek. Ekologııaǵa zııan keltirmes úshin barlyq qapshyqtardy alyp tastap, kádege jaratý qajet», — dep atap ótti Oljas Bektenov.