جاڭالىقتار
پرەزيدەنت تەرىس اعىمداردى توقتاتۋ جايلى ايتتى
فوتو: اقوردا
مەملەكەت باسشىسى قاسىم-جومارت توقاەۆتىڭ قاتىسۋىمەن ۇلتتىق قۇرىلتايدىڭ IV وتىرىسى بۋرابايدا ءوتىپ جاتىر, – دەپ حابارلايدى qandastar.kz
مەملەكەت باسشىسى ەلدەگى ءدىني احۋالدى بايانداي كەلە, تەرىس اعىمدارعا, قازاقتىڭ بولمىسىنا جات يدەولوگيالارعا توسقاۋىل قاجەت ەكەنىن ايتتى.
«ءماجىلىس دەپۋتاتى ەرمۇرات باپي ەلىمىزدەگى ءدىني احۋالعا الاڭداۋشىلىق ءبىلدىرىپ ءجۇر. قۇرىلتاي مۇشەلەرى دانيا قىدىرباەۆا جانە ولجاس سۇلەيمەن جات ءدىني اعىمداردىڭ جاستار اراسىندا, اسىرەسە سپورت سالاسىندا ىقپالى كۇشەيىپ بارا جاتقانىن ايتتى. تەرىس اعىمدارعا, قازاقتىڭ بولمىسىنا جات يدەولوگيالارعا توسقاۋىل قويۋ قاجەت ەكەنىنە ەش كۇمان جوق. ەلىمىزدە ءدىن بوستاندىعىنا كەپىلدىك بەرىلگەن. بىراق جۇگەنسىزدىككە, تارتىپسىزدىككە جول بەرۋگە بولمايدى. ءدىننىڭ اسا ماڭىزدى ميسسياسى – ۇلتتى ۇيىستىرۋ. ءدىني ۇيىمداردىڭ قىزمەتىن رەتتەيتىن قۇجاتتار وسى تالاپقا ساي بولۋعا ءتيىس. بۇل ماسەلەنى جان-جاقتى قاراۋ كەرەك. سونىڭ ىشىندە زاڭنامانى جاڭا جاعدايعا بەيىمدەپ وتىرۋ وتە ماڭىزدى», – دەدى پرەزيدەنت.
