Prezıdent teris aǵymdardy toqtatý jaıly aıtty

Foto: Aqorda

Memleket basshysy Qasym-Jomart Toqaevtyń qatysýymen Ulttyq quryltaıdyń IV otyrysy Býrabaıda ótip jatyr, – dep habarlaıdy qandastar.kz

Memleket basshysy eldegi dinı ahýaldy baıandaı kele, teris aǵymdarǵa, qazaqtyń bolmysyna jat ıdeologııalarǵa tosqaýyl qajet ekenin aıtty.

 «Májilis depýtaty Ermurat Bapı elimizdegi dinı ahýalǵa alańdaýshylyq bildirip júr. Quryltaı músheleri Danııa Qydyrbaeva jáne Oljas Súleımen jat dinı aǵymdardyń jastar arasynda, ásirese sport salasynda yqpaly kúsheıip bara jatqanyn aıtty. Teris aǵymdarǵa, qazaqtyń bolmysyna jat ıdeologııalarǵa tosqaýyl qoıý qajet ekenine esh kúmán joq. Elimizde din bostandyǵyna kepildik berilgen. Biraq júgensizdikke, tártipsizdikke jol berýge bolmaıdy. Dinniń asa mańyzdy mıssııasy – ultty uıystyrý. Dinı uıymdardyń qyzmetin retteıtin qujattar osy talapqa saı bolýǵa tıis. Bul máseleni jan-jaqty qaraý kerek. Sonyń ishinde zańnamany jańa jaǵdaıǵa beıimdep otyrý óte mańyzdy», – dedi Prezıdent.