پرەزيدەنت تۇركىستاننىڭ وندىرىستىك پاركىندەگى كاسىپورىنداردى ارالادى 

فوتو: اقوردا

ول جەردە 8 ءوندىرىس وشاعى ىسكە قوسىلعان. 712 جۇمىس ورنى اشىلدى دەپ حابارلايدى qandastar.kz. ينۆەستيتسيا كولەمى – 36,5 ملرد تەڭگە.

پرەزيدەنت 3,5 توننا كوكونىس پەن 500 توننا باكالەيا ونىمدەرىن ساقتايتىن قويمادا بولادى. ول جەر تۇركىستان ماڭىنداعى قالالاردى ماۋسىمارالىق كەزەڭدە ازىق-ت ۇلىكپەن قامتاماسىز ەتىپ وتىر.

توقاەۆقا جاڭبىرلاتىپ جانە تامشىلاتىپ سۋارۋ جۇيەلەرىن شىعاراتىن «BNK Group» سەرىكتەستىگىنىڭ ءوندىرىس تسەحتارى دا تانىستىرىلدى.

پرەزيدەنت جيھاز شىعاراتىن «اqniet Holding» ونىمدەرىن كوردى. سوڭعى ءۇش جىلدا كومپانيا 50-گە جۋىق مەكتەپتى جابدىقتاعان.

پرەزيدەنت توڭازىتقىش جابدىقتارىن وندىرەتىن كاسىپورىن الاڭىنا باردى. بولگاريالىق حولدينگ ەكى ءىرى ءوندىرىس جەلىسىن اشپاق. ينۆەستور جوبانىڭ ءبىرىنشى كەزەڭىنە 5 ملن ەۋرو كولەمىندە قارجى قۇيادى. 350-گە جۋىق جۇمىس ورنى اشىلادى.

الداعى ءۇش جىلدا 2,5 ترلن تەڭگە بولاتىن 145 جوبا جۇزەگە اسىرىلماق. 20 مىڭنان استام جاڭا جۇمىس ورنى پايدا بولادى. ءىرى جوبالاردىڭ قاتارىندا بۋ-گاز قوندىرعىسى, كۇن جانە جەل ستانتسيالارى بار.