جاڭالىقتار
پرەزيدەنت تۇرمىستىق زورلىق-زومبىلىققا قارسى زاڭعا توقتالدى
فوتو: اقوردا
پرەزيدەنت جاقىندا قابىلدانعان تۇرمىستىق زورلىق-زومبىلىققا قارسى كۇرەس تۋرالى زاڭ تۋرالى ايتتى, دەپ حابارلايدى qandastar.kz
«زاڭ جاقىندا كۇشىنە ەندى. بۇل – وتە قاجەت قۇجات. بۇل ماسەلەگە قاتىستى مەنىڭ كوزقاراسىم بەلگىلى. ءاربىر قازاق وتباسى ۇلگى بولۋى كەرەك. ارينە, قابىلدانعان زاڭ ورىن العان كەلەڭسىزدىكتەردىڭ بارلىعىن جويا المايدى. ويتكەنى, بۇل ۇزاق جانە قيىن پروتسەسس. زاڭ جازالاۋ ءۇشىن ەمەس, ەڭ الدىمەن قۇقىقتىق مادەنيەتتى قالىپتاستىرۋ ءۇشىن ماڭىزدى. بۇل ىسكە بارلىعىنىڭ, اسىرەسە باق وكىلدەرىنىڭ قاتىسۋى ماڭىزدى», — دەدى قاسىم-جومارت توقاەۆ باق قىزمەتكەرلەرىن ماراپاتتاۋ راسىمىندە.
ەسكە سالايىق, 15 ساۋىردە قازاقستان پرەزيدەنتى قاسىم-جومارت توقاەۆ ايەلدەر قۇقىقتارىن قورعاۋ مەن بالالاردىڭ قاۋىپسىزدىگىن قامتاماسىز ەتۋگە باعىتتالعان زاڭعا قول قويعان بولاتىن.
