پرەزيدەنت: ۇقشۇ – جاي عانا اسكەري سەرىكتەستىك ەمەس, كۇش-جىگەرىمىز بەن رەسۋرستارىمىزدى بىرىكتىرەتىن بىرەگەي مەحانيزم

فوتو: اقوردا

تەرروريزم, كيبەرشابۋىل, ترانسۇلتتىق قىلمىس جانە زاڭسىز ەسىرتكى اينالىمى سەكىلدى قازىرگى زاماننىڭ قاۋىپ-قاتەرلەرىنە قارسى كۇرەستە ۇيىم مۇمكىندىكتەرىن جەتىلدىرۋگە باسا ءمان بەردى.

مەملەكەت باسشىسى ۇجىمدىق قاۋىپسىزدىك تۋرالى شارت ۇيىمى ەۋرازيا كەڭىستىگىندەگى بەيبىتشىلىك پەن تۇراقتىلىقتى قامتاماسىز ەتەتىن نەگىزگى قۇرىلىمداردىڭ بىرىنە اينالعانىن اتاپ ءوتتى, دەپ جازادى qandastar.kz

– ۇقشۇ قازىرگى سىن-قاتەرلەر جاعدايىندا ۇيىمعا مۇشە بارلىق ەلدەر ءۇشىن قاۋىپسىزدىك كەپىلى رەتىندە ءوزىنىڭ قاجەت ەكەنىن كورسەتىپ وتىر. ءبىزدىڭ ۇيلەسىمدى ارەكەتتەرىمىز, ءوزارا سەنىم مەن قولداۋىمىز ەڭ قيىن ءارى اۋقىمدى مىندەتتەردى شەشۋ جولىنداعى ۇجىمدىق قابىلەتىمىزدى نىعايتادى. ۇقشۇ – جاي عانا اسكەري سەرىكتەستىك ەمەس, مەملەكەتتەرىمىزدىڭ ەگەمەندىگى مەن اۋماقتىق تۇتاستىعىن قورعاۋ ماقساتىنداعى كۇش-جىگەرىمىز بەن رەسۋرستارىمىزدى بىرىكتىرەتىن بىرەگەي مەحانيزم ەكەنىن اتاپ وتكەن ءلازىم, – دەدى قاسىم-جومارت توقاەۆ.

پرەزيدەنت قازاقستاننىڭ ۇقشۇ توراعاسى رەتىندە ۇيىمعا مۇشە ەلدەر اراسىنداعى تىعىز قارىم-قاتىناستى نىعايتۋعا, داعدارىس جاعدايلارىندا جەدەل ارەكەت ەتۋ تەتىكتەرىنىڭ تيىمدىلىگىن ارتتىرۋعا بار كۇش-جىگەرىن جۇمساعانىن ايتتى.

سونداي-اق تەرروريزم, كيبەرشابۋىل, ترانسۇلتتىق قىلمىس جانە زاڭسىز ەسىرتكى اينالىمى سەكىلدى قازىرگى زاماننىڭ قاۋىپ-قاتەرلەرىنە قارسى كۇرەستە ۇيىم مۇمكىندىكتەرىن جەتىلدىرۋگە باسا ءمان بەردى.