پرەزيدەنت ۇلتتىق ۇلان ساربازىن ۇرعان قاسكويلەردى ۇستاپ, جازالاۋدى تاپسىردى

فوتو: اشىق دەرەككوز

پرەزيدەنت ۇلتتىق ۇلان ساربازىن ۇرعان قاسكويلەردى ۇستاپ, جازالاۋدى تاپسىردى, – دەپ جازادى qandastar.kz atameken business تەلەگرام ارناسىنا سىلتەمە جاساپ.

مەملەكەت باسشىسى بەلگىسىز ادامداردىڭ ۇلتتىق ۇلان ساربازىن پويىز تامبۋرىندا ۇرعانى تاسپالانعان بەينەماتەريالمەن تانىسىپ شىقتى. مەملەكەت باسشىسى ىشكى ىستەر ءمينيسترى ەرجان سادەنوۆكە قاسكويلەردى ۇستاپ, زاڭناماعا سايكەس جاۋاپقا تارتۋ ءۇشىن شۇعىل شارالار قابىلداۋدى تاپسىردى.

“اسكەردەگى جانە باسقا دا كۇشتىك ۇيىمدارداعى زورلىق-زومبىلىقتىڭ بارلىق فاكتىسى پرەزيدەنتكە باياندالادى. 

مۇنداي جاعدايلار باقىلاۋعا الىنادى. 

قاسىم-جومارت توقاەۆ بيىلعى 2 قىركۇيەكتەگى جولداۋىندا جاس ساربازداردىڭ دەنساۋلىعى مەن ابىروي-بەدەلىنە قول سۇعۋعا جول بەرمەۋ قاجەت ەكەنىنە نازار اۋدارعان ەدى. 

سونىمەن قاتار بۇل ماسەلەگە اسكەري قۇرىلىمداردىڭ باسشىلارى تىكەلەي جاۋاپتى ەكەنىن ايتقان بولاتىن”, – دەدى پرەزيدەنتتىڭ ءباسپاسوز حاتشىسى بەرىك ءۋالي.