Президент Ұлттық ұлан сарбазын ұрған қаскөйлерді ұстап, жазалауды тапсырды

Фото: Ашық дереккөз

Президент Ұлттық ұлан сарбазын ұрған қаскөйлерді ұстап, жазалауды тапсырды, – деп жазады qandastar.kz atameken business телеграм арнасына сілтеме жасап.

Мемлекет басшысы белгісіз адамдардың Ұлттық ұлан сарбазын пойыз тамбурында ұрғаны таспаланған бейнематериалмен танысып шықты. Мемлекет басшысы Ішкі істер министрі Ержан Сәденовке қаскөйлерді ұстап, заңнамаға сәйкес жауапқа тарту үшін шұғыл шаралар қабылдауды тапсырды.

“Әскердегі және басқа да күштік ұйымдардағы зорлық-зомбылықтың барлық фактісі Президентке баяндалады. 

Мұндай жағдайлар бақылауға алынады. 

Қасым-Жомарт Тоқаев биылғы 2 қыркүйектегі Жолдауында жас сарбаздардың денсаулығы мен абырой-беделіне қол сұғуға жол бермеу қажет екеніне назар аударған еді. 

Сонымен қатар бұл мәселеге әскери құрылымдардың басшылары тікелей жауапты екенін айтқан болатын”, – деді Президенттің баспасөз хатшысы Берік Уәли.