Prezıdent Ulttyq ulan sarbazyn urǵan qaskóılerdi ustap, jazalaýdy tapsyrdy

Foto: Ashyq derekkóz

Prezıdent Ulttyq ulan sarbazyn urǵan qaskóılerdi ustap, jazalaýdy tapsyrdy, – dep jazady qandastar.kz atameken business telegram arnasyna silteme jasap.

Memleket basshysy belgisiz adamdardyń Ulttyq ulan sarbazyn poıyz tambýrynda urǵany taspalanǵan beınematerıalmen tanysyp shyqty. Memleket basshysy Ishki ister mınıstri Erjan Sádenovke qaskóılerdi ustap, zańnamaǵa sáıkes jaýapqa tartý úshin shuǵyl sharalar qabyldaýdy tapsyrdy.

“Áskerdegi jáne basqa da kúshtik uıymdardaǵy zorlyq-zombylyqtyń barlyq faktisi Prezıdentke baıandalady. 

Mundaı jaǵdaılar baqylaýǵa alynady. 

Qasym-Jomart Toqaev bıylǵy 2 qyrkúıektegi Joldaýynda jas sarbazdardyń densaýlyǵy men abyroı-bedeline qol suǵýǵa jol bermeý qajet ekenine nazar aýdarǵan edi. 

Sonymen qatar bul máselege áskerı qurylymdardyń basshylary tikeleı jaýapty ekenin aıtqan bolatyn”, – dedi Prezıdenttiń baspasóz hatshysy Berik Ýálı.