پرەزيدەنت ۇلىتاۋ وبلىسىنىڭ اكىمىن قىزمەتىنەن بوساتتى

فوتو: اشىق دەرەككوز

بەرىك ابدىعالي ۇلى ۇلىتاۋ وبلىسىنىڭ اكىمى لاۋازىمىنان بوساتىلدى, دەپ حابارلايدى  qandastar.kz

مەملەكەت باسشىسىنىڭ جارلىعىمەن بەرىك ابدىعالي ۇلى ۇلىتاۋ وبلىسىنىڭ اكىمى لاۋازىمىنان بوساتىلدى. ول 1971 جىلى 18 قىركۇيەكتە قاراعاندى وبلىسى جەزقازعان كەنتىندە دۇنيەگە كەلگەن.

1994 جىلى ءال-فارابي اتىنداعى قازاق ۇلتتىق ۋنيۆەرسيتەتىن «تاريح» ماماندىعى بويىنشا تامامداعان. ساياساتتانۋ عىلىمدارىنىڭ كانديداتى.

2022 جىلدىڭ 11 ماۋسىمىندا ۇلىتاۋ وبلىسىنىڭ اكىمى بولىپ تاعايىندالدى, 2022 جىلدىڭ 2 جەلتوقسانىندا پرەزيدەنت جارلىعىمەن وسى لاۋازىمعا قايتا تاعايىندالعان ەدى.