Jańalyqtar
Prezıdent úsh dúrkin álem chempıony atanǵan Nazym Qyzaıbaıdy quttyqtady
Ol 48 kelige deıingi salmaqta sátti óner kórsetti.
Qazaqstandyq boksshy aqtyq synda reseılik Iýlııa Chýmgalakovamen kezdesti. Úsh raýndtyń qorytyndysy boıynsha Nazym aıqyn basymdyqpen jeńdi.
Osylaısha Nazym Qyzaıbaı úshinshi ret álem chempıonatynyń fınalynda jeńiske jetti. Buǵan deıin ol 2014 jáne 2016 jyly jeńis tuǵyrynyń bıigine kóterilgen edi. Aıta keteıik buǵan deıin Natalıa Bogdanova (70 keli) qola júlde jeńip aldy.
Prezıdent Qasym-Jomart Toqaev qazaqstandyq boksshy Nazym Qyzaıbaıdy tarıhı jeńisimen quttyqtady.
– Nazym Qyzaıbaıdy otandyq boks tarıhynda tuńǵysh ret úsh dúrkin Álem chempıony bolýymen quttyqtaımyn. Bul – aıtýly jetistik!
Serbııada ótip jatqan Álem birinshiliginde úzdik nátıje kórsetken Ulttyq qurama múshelerine alǵys aıtamyn. Sportshy qyzdarymyzdyń aldaǵy ýaqytta da úlken jeńisterge jete berýine tilektestik bildiremin, – dep jazdy Memleket basshysy Instagram áleýmettik jelisindegi óziniń paraqshasynda.
