پرەزيدەنت ۆلاديمير زەلەنسكيدى قۇتتىقتادى

مەملەكەت باسشىسى ۋكراينا پرەزيدەنتىنە قۇتتىقتاۋ جەدەلحاتىن جولدادى, دەپ جازادى qandastar.kz

قاسىم-جومارت توقاەۆ ۆلاديمير زەلەنسكيدى ۋكراينانىڭ ۇلتتىق مەرەكەسى – تاۋەلسىزدىك كۇنىمەن قۇتتىقتاپ, ۋكراين حالقىنا بەيبىتشىلىك جانە قۇت-بەرەكە تىلەدى.

بۇعان دەيىن ۋكراينا تاراپىنىڭ باستاماسىمەن پرەزيدەنت قاسىم-جومارت توقاەۆ پەن پرەزيدەنت ۆلاديمير زەلەنسكي تەلەفون ارقىلى سويلەسكەن.

اڭگىمە بارىسىندا قاسىم-جومارت توقاەۆ قازاق حالقىنىڭ ۋكراين حالقىنا, ونىڭ تاريحىنا, مادەنيەتىنە جانە تىلىنە ەرەكشە قۇرمەتپەن قارايتىنىن اتاپ ءوتتى.

مەملەكەت باسشىسى قازاقستاننىڭ ۋكراينادا حالىقارالىق قۇقىق قاعيداتتارى نەگىزىندە بەيبىتشىلىك ورناۋىنا ءسوزسىز مۇددەلى ەكەنىن جەتكىزدى.

اتاپ ايتقاندا, پرەزيدەنت استانانىڭ اۋەل باستان ادىلدىك نەگىزىندە بەيبىتشىلىك فورمۋلاسىن بىرلەسە ىزدەۋدى جاقتاعانىن, بۇۇ جارعىسىن, مەملەكەتتەردىڭ ەگەمەندىگى مەن اۋماقتىق تۇتاستىعىنا قولسۇقپاۋشىلىق قاعيداتىن ساقتاۋ تۋرالى جۇيەلى تۇردە پىكىر بىلدىرگەنىن ەسكە سالدى.

پرەزيدەنتتىڭ پىكىرىنشە, قازىرگىدەي كۇردەلى جاعدايدا ۋكراينا مەملەكەتتىلىگىن ساقتاۋ مەن قورعاۋدى قامتاماسىز ەتە وتىرىپ, قاقتىعىستى بايىپتى تۇردە شەشۋ ماڭىزدى.