Jańalyqtar
Prezıdent Vladımır Zelenskııdi quttyqtady
Foto: Aqorda
Buǵan deıin Ýkraına tarapynyń bastamasymen Prezıdent Qasym-Jomart Toqaev pen Prezıdent Vladımır Zelenskıı telefon arqyly sóılesken.
Memleket basshysy Ýkraına Prezıdentine quttyqtaý jedelhatyn joldady, dep jazady qandastar.kz
Qasym-Jomart Toqaev Vladımır Zelenskııdi Ýkraınanyń ulttyq merekesi – Táýelsizdik kúnimen quttyqtap, ýkraın halqyna beıbitshilik jáne qut-bereke tiledi.
Buǵan deıin Ýkraına tarapynyń bastamasymen Prezıdent Qasym-Jomart Toqaev pen Prezıdent Vladımır Zelenskıı telefon arqyly sóılesken.
Áńgime barysynda Qasym-Jomart Toqaev qazaq halqynyń ýkraın halqyna, onyń tarıhyna, mádenıetine jáne tiline erekshe qurmetpen qaraıtynyn atap ótti.
Memleket basshysy Qazaqstannyń Ýkraınada halyqaralyq quqyq qaǵıdattary negizinde beıbitshilik ornaýyna sózsiz múddeli ekenin jetkizdi.
Atap aıtqanda, Prezıdent Astananyń áýel bastan ádildik negizinde beıbitshilik formýlasyn birlese izdeýdi jaqtaǵanyn, BUU Jarǵysyn, memleketterdiń egemendigi men aýmaqtyq tutastyǵyna qolsuqpaýshylyq qaǵıdatyn saqtaý týraly júıeli túrde pikir bildirgenin eske saldy.
Prezıdenttiń pikirinshe, qazirgideı kúrdeli jaǵdaıda Ýkraına memlekettiligin saqtaý men qorǵaýdy qamtamasyz ete otyryp, qaqtyǵysty baıypty túrde sheshý mańyzdy.
