Jańalyqtar
Prezıdent jańa zańǵa qol qoıdy: endi Qazaqstanda qandaı ózgerister bolady?
Foto: Aqorda
Májilis depýtaty Ashat Aımaǵambetov Prezıdent qol qoıǵan jańa zańda qandaı ózgerister baryn túsindirdi, dep habarlaıdy qandastar.kz
Jańa zań daryndy jastardy qoldap, memlekettik tildi damytýǵa múmkindik jasap, jasandy ıntellektpen úılestirip, bilim berý júıesin jetildirýge baǵyttalǵan.
Endi eń bedeldi halyqaralyq ǵylymı jarystarda jeńimpaz atanǵan oqýshylar UBT tapsyrmaı-aq memlekettik grantpen ýnıversıtetke túse alady. Bul olardyń elde bilim alyp, Qazaqstannyń damýyna úles qosýyna jol ashady. Buryn mundaı múmkindik tek olımpıada jeńimpazdaryna ǵana beriletin.
«Bolashaq» baǵdarlamasy keńeıtilip, endi bakalavrıat deńgeıinde de beriledi. Buryn «Bolashaq» stıpendııasy tek magıstratýra men doktorantýraǵa arnalǵan bolsa, endi halyqaralyq olımpıada jeńimpazdary bakalavrıat deńgeıinde de oqý múmkindigine ıe bolady.
Qazaq tili úshin jańa ıfrlyq platforma jasalady. Qazaq tiliniń ıfrlyq ulttyq sózdik qory jáne ulttyq til korpýsy zańmen retteldi. Bul jasandy ıntellektterdiń (ChatGPT, Alısa jáne t.b.) qazaq tilinde sapaly jumys isteýine múmkindik beredi. Memleket basshysy Q. Toqaev bul mańyzdy máseleni óz baqylaýynda ustaýda.
Dalanews.kz jazǵandaı, qazaq tiliniń barlyq normalary men erejeleri onlaın ashyq júıede qoljetimdi bolady. Bul bastamanyń basty maqsaty – qazaq tilin jasandy ıntellektpen úılestirý jáne ıfrlyq álemde onyń sapaly jumys isteýine jaǵdaı jasaý.
ıfrlyq sózdik qordyń mańyzy:
- Jasandy ıntellekt úshin baza:Bul sózdik qor jasandy ıntellektke qazaq tilinde durys sóıleýdi, sózderdi kontekstke saı qoldanýdy úıretedi.
- Kúndelikti qoldanys: Ashyq aqparattyq júıe arqyly kez kelgen azamat sózderdiń durys emlesin, naqty maǵynasyn ońaı taba alady.
- Bilim berý: Oqýshylar, stýdentter men muǵalimderge sapaly sózdikter men anyqtamalyqtarǵa qol jetkizý múmkindigi beriledi. Bul oqý men oqytý úderisin jeńildetedi.
ıfrlyq sózdik qor – bul jaı ǵana sózderdiń tizimi emes. Bul – tildi túsinetin, ony durys qoldana alatyn ıntellektýaldy platforma.
