Prezıdent jastardyń kreatıvti ındýstrııada tabysqa jetip jatqanyn aıtty

Foto: Aqorda

“Jańa adamdar” jastar forýmynda Prezıdent osy máseleni aıryqsha kóterdi, dep jazdy qandastar.kz

Memleket basshysynyń aıtýynsha, elimizde zaman talabyna saı bilikti mamandar óte kóp.

“Muǵalimder, dárigerler, ǵalymdar, ınjenerler, ónerkásiptegi jumysshylar jáne basqa da mamandar bar. Qazaqstan jastary kreatıvti ındýstrııada da kóptegen tabysqa jetip jatyr.

Sondaı daryndy azamattardyń arqasynda búkil álem jurtshylyǵy Qazaqstandy talantty ári eńbekqor adamdardyń eli dep tanıtyn boldy. Memleket kreatıvti ındýstrııanyń damýyna barynsha yqpal etedi. Qazir arnaıy qor qurylyp jatyr. Ol ádebıet, mýzyka, kıno, serıal jáne kompıýter oıyndaryna qatysty jobalardy júıeli túrde qoldaýmen aınalysady.

Jastardyń qarym-qabiletin kórsetýine bul da bir keremet múmkindik. Eń bastysy, adal eńbek etip, adal tabys tabý, ıaǵnı adal azamat bolý», — dedi memleket basshysy.