الەۋمەت جانە قوعامجاڭالىقتار
پرەزيدەنت جولداۋى: سالىقتان بوساتىلعان كاسىپكەرلەر 382 ملرد تەڭگە ۇنەمدەدى
قر ۇلتتىق ەكونوميكا ءمينيسترى رۋسلان دالەنوۆ شاعىن جانە ورتا بيزنەس سۋبەكتىلەرىنە كورسەتىلەتىن قولداۋدىڭ نەگىزگى ناتيجەلەرىن ايتىپ بەردى, دەپ حابارلايدى قازاقپارات ءتىلشىسى
«شاعىن جانە ورتا بيزنەستى قولداۋ پرەزيدەنت جولداۋىنىڭ باسىمدى مىندەتتەردىڭ ءبىرى بولىپ تابىلادى. بۇگىن ەلىمىزدىڭ بەلسەندى حالقىنىڭ 30%-تەن استامى شاعىن جانە ورتا بيزنەسپەن اينالىسادى. سوڭعى 5 جىلدا شوب سۋبەكتىلەر سانى 1,5 ەسەگە 1,3 ملن-عا دەيىن ارتتى» – دەدى مينيستر ورتالىق كوممۋنيكاتسيالار قىزمەتىندە پرەزيدەنت جولداۋىنىڭ العاشقى ناتيجەلەرى تۋرالى عىلىمي-پراكتيكالىق كونفەرەنتسيادا.
سونىمەن بىرگە, پرەزيدەنت قاسىم-جومارت توقاەۆتىڭ قازاقستان حالقىنا جولداۋىنا سايكەس, شاعىن جانە شاعىن كاسىپكەرلىك سۋبەكتىلەرى ءۇش جىلعا تابىس سالىعىن تولەۋدەن بوساتىلادى.
«بۇل جەڭىلدىك 2020 جىلدىڭ 1 قاڭتارىنان باستاپ كۇشىنە ەنەدى جانە زاڭنامالىق تۇزەتۋلەر پىسىقتالدى.ناتيجەسىندە, بيزنەس 3 جىلدا 382 ملرد تەڭگە ۇنەمدەي الادى. ۇنەمدەلگەن سوما كاسىپكەرلەرگە اينالىم قاراجاتىن تولىقتىرۋعا جانە جالپى ءوز قىزمەتتەرىن جاقسارتۋعا مۇمكىندىك بەرەدى», – دەدى ر. دالەنوۆ.
اتاپ وتكەن ءجون, مۇندا اكتسيزدەلەتىن ءونىمدى ءوندىرۋ جانە كوتەرمە ساۋدادا وتكىزۋ, ويىن بيزنەسى, لوتەرەيا وتكىزۋ, بەنزيندى, ديزەل وتىنىن جانە مازۋتتى بولشەك ساۋدادا وتكىزۋ, استىق قابىلداۋ پۋنكتتەرىندە استىقتى ساقتاۋ, راديواكتيۆتى ماتەريالدار اينالىمى, بانكتىك, اۋديتورلىق ساقتاندىرۋ قىزمەتى, باعالى قاعازدار نارىعى, كرەديتتىك بيۋرولار, كۇزەت قىزمەتى, ازاماتتىق جانە قىزمەتتىك قارۋ مەن ونىڭ پاتروندارىنىڭ اينالىمى, جەر قويناۋىن پايدالانۋ جانە سىرتقى ەكونوميكالىق قىزمەت سۋبەكتىلەرى سالىق تولەۋدەن بوساتىلمايدى.
«شاعىن جانە ورتا بيزنەس سالىقتان بوساتىلا وتىرىپ, 2020 جىلى 1 قاڭتاردان باستاپ تەكسەرۋ بويىنشا دا 3 جىلعا موراتوري ەنگىزىلەدى. ورتا ەسەپپەن 3 جىل ىشىندە 100 مىڭعا جۋىق تەكسەرۋ جۇرگىزىلمەيتىن بولادى. بۇل اكىمشىلىك جۇكتەمەنى تومەندەتۋگە, بيزنەس-ورتانىڭ تۇراقتىلىعىن قامتاماسىز ەتۋگە, بيزنەستى وڭاي جۇرگىزۋگە جانە باسەكەلەستىكتى دامىتۋعا مۇمكىندىك بەرەدى», – دەدى ۇلتتىق ەكونوميكا ءمينيسترى.
بۇل رەتتە, موراتوري مىناداي تەكسەرۋلەرگە قولدانىلمايدى: حالىققا جاپپاي قاۋىپ-قاتەردىڭ الدىن الۋعا بايلانىستى,كاسىپكەردىڭ ءوز ءوتىنىشى بويىنشا, كەدەن جانە سالىق ورگاندارى, پروكۋراتۋرا ورگاندارى, سايكەستىكتى باعالاۋ سالاسىندا, «قارجى نارىعى مەن قارجى ۇيىمدارىن مەملەكەتتىك رەتتەۋ, باقىلاۋ جانە قاداعالاۋ تۋرالى» زاڭدا جانە قىلمىستىق ءىس جۇرگىزۋ كودەكسىندە كوزدەلگەن نەگىزدەر بويىنشا جانە ءونىمنىڭ سانيتارلىق-ەپيدەميولوگيالىق قاۋىپسىزدىگىن مونيتورينگىلەۋ ماقساتىندا.
ايتا كەتەيىك, ەلوردادا پرەزيدەنت جولداۋىنىڭ العاشقى ناتيجەلەرى تالقىلانىپ جاتىر. وعان قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى دارحان كالەتاەۆ, مەملەكەتتىك ورگانداردىڭ, قازاقستاننىڭ عىلىمي-ساراپتامالىق قاۋىمداستىعىنىڭ 80-نەن استام وكىلى قاتىسۋدا.
