جاڭالىقتار
پرەزيدەنتكە سۋ تاسقىنى سالدارىن جويۋ جانە قالپىنا كەلتىرۋ جۇمىستارى جونىندە ەسەپ بەرىلدى
پرەمەر-مينيستر ولجاس بەكتەنوۆتىڭ بايانداماسىنان:
سۋ تاسقىنىنىڭ سالدارىن جويۋ جانە زارداپ شەككەن ازاماتتارعا جان-جاقتى كومەك كورسەتۋ جۇمىستارى ۇكىمەتتىڭ تىكەلەي قاداعالاۋىمەن جۇرگىزىلىپ جاتىر;
قازىرگى كەزدە 61352 ادام ءوز ۇيلەرىنە ورالعان. ەۆاكۋاتسيالىق پۋنكتتەردەگى تۇرعىندارعا (5452 ادام) بارلىق قاجەتتى كومەك كورسەتىلىپ جاتىر;
20 مامىرداعى جاعداي بويىنشا 26 مىڭنان استام وتباسىنا 100 اەك مولشەرىندە بىررەتتىك تولەم بەرۋ ءۇشىن 10 ميلليارد تەڭگەدەن اسا قارجى بولىنگەن (جالپى, 32655 ءوتىنىش كەلىپ تۇسكەن). بۇل جۇمىستار اقتوبە, باتىس قازاقستان, اقمولا, قاراعاندى, پاۆلودار, اباي, ۇلىتاۋ وبلىستارىندا تولىقتاي اياقتالعان;
سولتۇستىك قازاقستان وبلىسىندا بىررەتتىك قارجىلاي كومەكتى 6090, قوستاناي وبلىسىندا 4085, اتىراۋ وبلىسىندا 3730 وتباسى العان;
زارداپ شەككەن تۇرعىنداردى باسپانامەن قامتاماسىز ەتۋ جۇمىستارى جۇرگىزىلىپ جاتىر. قازىرگى تاڭدا باسپانالارى قيراعان 239 وتباسى جاڭا ۇيلەر مەن پاتەرلەرگە قونىستانعان. اتاپ ايتقاندا, قوستاناي وبلىسىندا 146, اقمولا وبلىسىندا 57, اقتوبە وبلىسىندا 28, قاراعاندى وبلىسىندا 6, پاۆلودار وبلىسىندا 2 باسپانا تۇرعىنداردىڭ يگىلىگىنە بەرىلگەن;
وڭىرلەردە 873 جاڭا ءۇيدىڭ قۇرىلىسى جۇرگىزىلۋدە. ناقتىراق ايتقاندا, باتىس قازاقستان وبلىسىندا 357, قوستاناي وبلىسىندا 88, اقتوبە وبلىسىندا 153, اتىراۋ وبلىسىندا 70, سولتۇستىك قازاقستان وبلىسىندا 200, پاۆلودار وبلىسىندا 5 تۇرعىن ءۇي سالىنىپ جاتىر;
قازىرگە دەيىن 891 وتباسىعا ۇيلەرىن جوندەۋ جانە قالپىنا كەلتىرۋ شىعىندارى ءۇشىن جالپى سوماسى 1,9 ميلليارد تەڭگە كولەمىندە وتەماقى تولەنگەن;
جالپى, سۋ تاسقىنىنان زارداپ شەككەن ايماقتاردا 11137 تۇرعىن ءۇي تەكسەرىلىپ, 7863 نىساندى باعالاۋ جۇمىستارى اياقتالعان;
باعالاۋ ءىسىنىڭ اياقتالۋىنا قاراي, زارداپ شەككەن تۇرعىندارعا اسا قاجەتتى دۇنيە-م ۇلىك ساتىپ الۋ ءۇشىن 150 اەك-كە دەيىن قوسىمشا وتەماقى تولەنىپ جاتىر. سونداي-اق ولگەن مالدىڭ وتەۋى ءۇشىن مەملەكەتتەن بولىنگەن قارجىلاي كومەكتىڭ كولەمى 1,3 ميلليارد تەڭگەدەن اسقان;
مەملەكەت قولداۋىنان بيزنەس تە تىس قالمايدى. تاسقىننان زارداپ شەككەن كاسىپكەرلەردىڭ شىعىنىن وتەۋ مەحانيزمدەرى انىقتالىپ, ءتيىستى جۇمىستار باستالىپ كەتتى. ب ۇلىنگەن ءۇي مەن م ۇلىكتى جەدەل باعالاۋ ءۇشىن قوسىمشا رەسۋرستار تارتىلدى.
