Jańalyqtar
Prezıdentke sý tasqyny saldaryn joıý jáne qalpyna keltirý jumystary jóninde esep berildi
![](https://qandastar.kz/wp-content/uploads/2024/05/IMG_6240-780x405.jpeg)
Premer-Mınıstr Oljas Bektenovtiń baıandamasynan:
sý tasqynynyń saldaryn joıý jáne zardap shekken azamattarǵa jan-jaqty kómek kórsetý jumystary Úkimettiń tikeleı qadaǵalaýymen júrgizilip jatyr;
qazirgi kezde 61352 adam óz úılerine oralǵan. Evakýaııalyq pýnktterdegi turǵyndarǵa (5452 adam) barlyq qajetti kómek kórsetilip jatyr;
20 mamyrdaǵy jaǵdaı boıynsha 26 myńnan astam otbasyna 100 AEK mólsherinde birrettik tólem berý úshin 10 mıllıard teńgeden asa qarjy bólingen (jalpy, 32655 ótinish kelip túsken). Bul jumystar Aqtóbe, Batys Qazaqstan, Aqmola, Qaraǵandy, Pavlodar, Abaı, Ulytaý oblystarynda tolyqtaı aıaqtalǵan;
Soltústik Qazaqstan oblysynda birrettik qarjylaı kómekti 6090, Qostanaı oblysynda 4085, Atyraý oblysynda 3730 otbasy alǵan;
zardap shekken turǵyndardy baspanamen qamtamasyz etý jumystary júrgizilip jatyr. Qazirgi tańda baspanalary qıraǵan 239 otbasy jańa úıler men páterlerge qonystanǵan. Atap aıtqanda, Qostanaı oblysynda 146, Aqmola oblysynda 57, Aqtóbe oblysynda 28, Qaraǵandy oblysynda 6, Pavlodar oblysynda 2 baspana turǵyndardyń ıgiligine berilgen;
óńirlerde 873 jańa úıdiń qurylysy júrgizilýde. Naqtyraq aıtqanda, Batys Qazaqstan oblysynda 357, Qostanaı oblysynda 88, Aqtóbe oblysynda 153, Atyraý oblysynda 70, Soltústik Qazaqstan oblysynda 200, Pavlodar oblysynda 5 turǵyn úı salynyp jatyr;
qazirge deıin 891 otbasyǵa úılerin jóndeý jáne qalpyna keltirý shyǵyndary úshin jalpy somasy 1,9 mıllıard teńge kóleminde ótemaqy tólengen;
jalpy, sý tasqynynan zardap shekken aımaqtarda 11137 turǵyn úı tekserilip, 7863 nysandy baǵalaý jumystary aıaqtalǵan;
baǵalaý isiniń aıaqtalýyna qaraı, zardap shekken turǵyndarǵa asa qajetti dúnıe-múlik satyp alý úshin 150 AEK-ke deıin qosymsha ótemaqy tólenip jatyr. Sondaı-aq ólgen maldyń óteýi úshin memleketten bólingen qarjylaı kómektiń kólemi 1,3 mıllıard teńgeden asqan;
memleket qoldaýynan bıznes te tys qalmaıdy. Tasqynnan zardap shekken kásipkerlerdiń shyǵynyn óteý mehanızmderi anyqtalyp, tıisti jumystar bastalyp ketti. Búlingen úı men múlikti jedel baǵalaý úshin qosymsha resýrstar tartyldy.