Prezıdenttiń Is basqarmasy bıýdjettiń 80 mlrd teńgesin qaıda jumsamaq?

Foto: gov.kz

Qarjy mınıstrligi 2024 jylǵa arnalǵan bıýdjettik túzetýlerdi jarııalady, – dep habarlaıdy qandastar.kz.

ProTenge telegram arnasy jazǵandaı, munda Qazaqstan Respýblıkasy Prezıdentiniń Is basqarmasyna qarasty nysandardyń qurylysy men jóndeý jumystaryna qatysty shyǵystar kórsetilgen.

Sonymen qatar  79,9 mlrd teńge kólemindegi shyǵyndar ashyq jazylǵan. Alaıda shyǵysqa qatysty sandar ashyq kórsetilgenmen, qarjynyń ushy qaıda baratyny, ne úshin jumsalatyny belgisiz bolyp otyr. Bul aqparat «qyzmettik qoldanys» úshin degen belgimen de qupııa kúıde qaldy.

Bıýdjet – halyqtyń aqshasy. Prezıdent te árbir tıyn eseppen jumsalýy tıistigin basa aıtyp otyr. Bılik pen halyq arasynda senim úzilmese deıdi.

Biraq Prezıdenttiń qol astyndaǵy qyzmetkerler halyqtyń aqshasynyń qalaı jumsalǵany týraly aqparatty nege «jasyryp qalǵan»..