پرەزيدەنتتىڭ «سۋرەتكە تۇسەيىك» دەگەن ءسوزىن ەستىمەگەن ديكتور جەلى «جۇلدىزىنا» اينالدى

اتاقتى ديكتور ساۋىق جاقانوۆا پرەزيدەنتتىڭ «سۋرەتكە تۇسەيىك» دەگەن ءسوزىن ەستىمەي قالىپ, جەلى «جۇلدىزىنا» اينالدى, دەپ حابارلايدى  Qandastar.kz اقپارات پورتالى. 

كەشە مەملەكەت باسشىسى قاسىم-جومارت توقاەۆ باق سالاسى قىزمەتكەرلەرىن ماراپاتتادى. ماراپات يەلەرىنىڭ قاتارىندا ساۋىق جاقانوۆا دا بولدى. سالتاناتتى ءراسىم بارىسىندا پرەزيدەنت ديكتوردىڭ كەۋدەسىنە مەدال تاعىپ, گۇل شوعىن تابىستادى.

وسىدان كەيىن قاسىم-جومارت توقاەۆ «سۋرەتكە تۇسەيىك» دەپ ۇسىنىس بىلدىرگەن.

الايدا ساۋىق جاقانوۆا ونى اڭعارماي, ءوز ورنىنا بەت العان. ءبىر ساتتە ارىپتەستەرىنىڭ «بىرگە سۋرەتكە ءتۇسىڭىز» دەگەنىن ەستىگەن ديكتور ەستەلىك سۋرەتكە تۇسپەگەنىن تۇسىنەدى.

قىزىقتى ءسات تۇسىرىلگەن ۆيدەونى پرەزيدەنتتىڭ تەلەراديوكەشەنى الەۋمەتتىك جەلىدە جاريالادى.