Prezıdenttiń «Sýretke túseıik» degen sózin estimegen dıktor jeli «juldyzyna» aınaldy

Ataqty dıktor Saýyq Jaqanova prezıdenttiń «Sýretke túseıik» degen sózin estimeı qalyp, jeli «juldyzyna» aınaldy, dep habarlaıdy  Qandastar.kz aqparat portaly. 

Keshe Memleket basshysy Qasym-Jomart Toqaev BAQ salasy qyzmetkerlerin marapattady. Marapat ıeleriniń qatarynda Saýyq Jaqanova da boldy. Saltanatty rásim barysynda prezıdent dıktordyń keýdesine medal taǵyp, gúl shoǵyn tabystady.

Osydan keıin Qasym-Jomart Toqaev «Sýretke túseıik» dep usynys bildirgen.

Alaıda Saýyq Jaqanova ony ańǵarmaı, óz ornyna bet alǵan. Bir sátte áriptesteriniń «birge sýretke túsińiz» degenin estigen dıktor estelik sýretke túspegenin túsinedi.

Qyzyqty sát túsirilgen vıdeony Prezıdenttiń Teleradıokesheni áleýmettik jelide jarııalady.