Prezıdenttiń jeke mobılografy bolý: kreatıvti jastarǵa baıqaý jarııalandy

Foto: istockphoto.com

Elimizde eń jas jáne kreatıvti mobılograf Memleket basshysy Qasym-Jomart Toqaevtyń bir kúndik jeke mobılografy bola alady. Bul týraly tanymal bloger Qyran Talapbek Instagram paraqshasynda jazdy, dep habarlaıdy Azattyq Rýhy.

Ol óz sózinde bul jańa kásip elimizdiń tarıhyn jasaıtyn tarıhı kezeń ekenin aıtty.

«Qurmetti, hanymdar men myrzalar, barlyq shákirtterimiz ben mobılograftar, kontentmeıkerler! Vıdeolaryńyzdy Tıktok jáne Instagramǵa #nomadgamesfest salyńyz.

Kóshpendiler oıyndaryna arnalǵan eń kreatıvti promo-rolık túsirip, ony áleýmettik jelilerge, WhatsApp, Telegram-ǵa #nomadgamesfest heshtegimen jarııalańyz. Bul – sizdiń ózińizdiń qabiletterińizdi kórsetip, keremet syılyqtar utyp alatyn múmkindigińiz!» – dep jazdy Qyran Talapbek.

Al jeńimpazdarǵa mynandaı syılyqtar beriledi:

– Gran-prı:

• Prezıdenttiń jeke mobılografy bolý,
• iPhone 15 Pro Max,
• MOBILOGRAPHY BOX (jaryq, mıkrofon),
• + 1 000 000 teńge.

2-oryn – 1 000 000 teńge.

3-oryn – iPhone 15 Pro Max.

4-oryn – 500 000 teńge.

5-15-oryndar – MOBILOGRAPHY box (jaryq jáne mıkrofondar).

16-20-oryndar – Mobılografııa kýrsy (onlaın oqý).

21-100-oryndar – Jeke madaqtamalar.

101-150-oryndar – Arnaıy sertıfıkattar.

Bólek 50 oryn.

«Sizdiń vıdeońyz áleýmettik jelide 100 000 jınaǵan qaralymyńyz úshin – 50 000tg syılyqqa. (TikTok, Instagram)

Qatysýshylardy 1 qyrkúıekke deıin qabyldaımyz, al jeńimpazdardy 9 qyrkúıekte anyqtaımyz.

Qatysyńyzdar, tarıhty birge jasaıyq!» – dep jazdy mobılograf.