“پروبلەمالاردى جاسىرماي, اشىق ايتۋىمىز قاجەت”. بەكتەنوۆ QazaqGaz باسشىسىنا ەسكەرتۋ جاسادى

فوتو:كۋرسيۆ مەديا

پرەمەر-مينيستر ولجاس بەكتەنوۆ گاز سالاسىن دامىتۋعا ارنالعان ۇكىمەت وتىرىسىندا سالاداعى وزەكتى ماسەلەلەرگە باسا نازار اۋداردى, دەپ حابارلايدى qandastar.kz  Dalanews.kz-كە سىلتەمە جاساپ.

ونىڭ ايتۋىنشا, مەملەكەتتىك ورگاندار مەن كومپانيالار تەك جەتىستىكتەردى ەمەس, پروبلەمالاردى دا اشىق ايتىپ, ولاردى تالقىلاۋعا ۇسىنۋى ءتيىس.

“جۇمىستارىڭىزدا ەشقانداي پروبلەمالىق ماسەلەلەر جوق پا? جۇمىستىڭ تەك وڭ ناتيجەلەرىن عانا كورسەتتىڭىز. ءبىز پروبلەمالىق ماسەلەلەر تۋرالى كوبىرەك ايتۋىمىز كەرەك, ولاردى جارىققا شىعارىپ, تالقىلاۋىمىز قاجەت”, — دەدى پرەمەر-مينيستر.

وتىرىس بارىسىندا “QazaqGaz” ۇك” اق باسقارما توراعاسى سانجار جاركەشوۆ قاشاعان گاز وڭدەۋ زاۋىتىنداعى جاعدايعا توقتالدى. ونىڭ ايتۋىنشا, قۇرىلىس جۇمىستارىنىڭ باياۋ ءجۇرۋى سالدارىنان بەلگىلى ءبىر قيىندىقتار تۋىنداعان. الايدا جاڭا باس مەردىگەردىڭ كەلۋىمەن بۇل ماسەلەلەر تولىق شەشىمىن تاپقان.

“قازىر قۇرىلىس كەڭەيتىلدى. جوسپارعا ساي جۇمىستاردى بەلگىلەنگەن مەرزىمدە اياقتاۋدى كوزدەپ وتىرمىز”, — دەپ اتاپ ءوتتى جاركەشوۆ.

وتىرىس ناتيجەسىندە ۇكىمەت گاز سالاسىنداعى پروبلەمالاردى جاسىرماي, ولاردى اشىق تۇردە شەشۋ قاجەتتىگىن تاعى ءبىر مارتە ەسكە سالدى.