Prokýratýra: 5 myńnan astam alaıaqtyq habarlama buǵattaldy

Almaty oblysy prokýratýrasy ınternet-alaıaqtyqtarǵa qarsy is-qımyl boıynsha iri onlaın-platformalar (Krisha.kz, Kolesa.kz, OLX.kz) ókilderimen birlesken jumys nátıjesinde alaıaqtyq áreket belgileri bar 5 myńnan astam akkaýnt anyqtalyp, buǵattaldy. Taǵy 7 myń akkaýnt tekserý aıasynda tur, dep habarlaıdy qandastar.kz.

Bul akkaýnttardyń basym bóligi Almaty qalasy men oblysynda páterlerdi táýliktik jalǵa berý, jyljymaıtyn múlikti satý, avtokólikterdi ádeıi tómen baǵamen satý jáne shetelden avtokólik bólshekterin jetkizý taqyryptarymen baılanysty.

Alaıaqtar, ádette, ózderine tıesili emes obektilerdiń jalǵan fotosýretterin paıdalanyp «bron» úshin aldyn ala tólem talap etken.

Prokýratýra men marketpleısterdiń birlesken jumysy ıfrlyq ortadaǵy qylmystarǵa qarsy memlekettik organdar men jeke sektor arasyndaǵy ózara is-qımyldyń tıimdi algorıtmin qalyptastyrýǵa yqpal etti.

Oblys prokýratýrasy telekommýnıkaııalyq jáne qarjylyq uıymdardy qosa alǵanda, ıfrlyq ekojúıeniń basqa da qatysýshylarymen yntymaqtastyqty keńeıtý boıynsha jumysty jalǵastyrýda.