پروكۋراتۋرا اقجارقىن تۇرلىبايعا قاتىستى مالىمدەمە جاسادى

فوتو: Kazinform

قر باس پروكۋرورىنىڭ ورىنباسارى عالىمجان قويگەلديەۆ قىتايدا سوتتالعان اقجارقىن تۇرلىبايدى قازاقستانعا قايتارۋ كەلىسسوزدەرى جالعاسىپ جاتقانىن ايتتى, دەپ جازادى qandastar.kz   Skifnews.kz اقپارات پورتالىنا سىلتەمە جاساپ.

بۇگىن سەناتتىڭ جالپى وتىرىسىنان كەيىنگى ءباسپاسوز ءماسليحاتىندا تىلشىلەر: «الەۋمەتتىك جەلىدە اقجارقىن تۇرلىباي قازاقستانعا ورالدى دەگەن اقپارات جاريالاندى. بۇل قانشالىقتى راس?» – دەپ سۇراعان ەدى.

ءوز كەزەگىندە عالىمجان قويگەلديەۆ قازىر قر سىرتقى ىستەر مينيسترلىگى مەن باس پروكۋراتۋرا قازاقستان ازاماتىن قىتايدان قايتارۋعا بار كۇش-جىگەرىن سالىپ جاتقانىن ايتتى.

«بۇل جۇمىس توقتامادى, ياعني بەلسەندى تۇردە اتقارىلىپ جاتىر. جاقىن ارادى بۇل جاعداي بويىنشا وڭ شەشىم بولىپ قالادى دەپ سەنەمىن. اتاپ ايتقاندا, بۇل باعىتتا جۇمىستار وڭاي ەمەس», – دەدى باس پروكۋروردىڭ ورىنباسارى.

ونىڭ سوزىنە قاراعاندا, بۇعان دەيىن اقجارقىن تۇرلىباي جازاسىن قازاقستاندا وتەۋگە قاتىستى ارىزىن جولداعان.