Prokýratýra Aqjarqyn Turlybaıǵa qatysty málimdeme jasady

Foto: Kazinform

QR Bas prokýrorynyń orynbasary Ǵalymjan Qoıgeldıev Qytaıda sottalǵan Aqjarqyn Turlybaıdy Qazaqstanǵa qaıtarý kelissózderi jalǵasyp jatqanyn aıtty, dep jazady qandastar.kz   Skifnews.kz aqparat portalyna silteme jasap.

Búgin Senattyń jalpy otyrysynan keıingi baspasóz máslıhatynda tilshiler: «Áleýmettik jelide Aqjarqyn Turlybaı Qazaqstanǵa oraldy degen aqparat jarııalandy. Bul qanshalyqty ras?» – dep suraǵan edi.

О́z kezeginde Ǵalymjan Qoıgeldıev qazir QR Syrtqy ister mınıstrligi men Bas prokýratýra Qazaqstan azamatyn Qytaıdan qaıtarýǵa bar kúsh-jigerin salyp jatqanyn aıtty.

«Bul jumys toqtamady, ıaǵnı belsendi túrde atqarylyp jatyr. Jaqyn arady bul jaǵdaı boıynsha oń sheshim bolyp qalady dep senemin. Atap aıtqanda, bul baǵytta jumystar ońaı emes», – dedi Bas prokýrordyń orynbasary.

Onyń sózine qaraǵanda, buǵan deıin Aqjarqyn Turlybaı jazasyn Qazaqstanda óteýge qatysty aryzyn joldaǵan.