Prokýratýra: Alıment tólemegen boryshkerler qumar oıyn oınaǵan

Foto: ashyq derekkóz

Elorda prokýratýrasy alıment tóleýden jaltarǵan boryshkerlerdiń qumar oıyndaryna qatysýyn anyqtap, olardyń  qatysýyna shekteýge baǵyttalǵan jańa tásildi engizdi, – dep habarlady qandastar.kz arasha.kz-ke silteme jasap.

Taldaý nátıjesinde 150 boryshkerdiń óz balalaryna 350 mln teńge qaryz bola otyryp, qumar oıyndarǵa qatysqany anyqtaldy.

Aǵymdaǵy jyly alıment qaryzy 2,5 mln teńgeni quraǵan boryshkerlerdiń biri býkmekerlik keńse arqyly 80 mln teńge jeke aınalymmen qumar oıyndarǵa qatysqan.

Prokýratýranyń qadaǵalaý aktisi boıynsha jeke sot oryndaýshylary 150 boryshkerge qumar oıyndarǵa qatysýǵa tyıym saldy.

Bul shekteýdiń jańa túri boryshkerlerdiń aqshany orynsyz jumsaýyn boldyrmaıdy.

2024 jylǵy 9 qyrkúıekte kúshine engen Qazaqstan Respýblıkasynyń «Oıyn bıznesi týraly» Zańyna sáıkes, elorda prokýratýrasy oıyn bıznesiniń     uıymdastyrýshylaryna boryshkerlerdi qumar oıyndarǵa qatystyrmaýǵa shaqyrady.

Qazaqstan Respýblıkasynyń Ákimshilik quqyq buzýshylyqtar týraly kodeksiniń 444-babyna sáıkes, atalǵan zańnamalyq talaptardy saqtamaǵan jaǵdaıda aıyppul salý, al qaıtalanǵan buzýshylyqtar úshin – lıenzııanyń kúshin toqtatý túrinde jaza qarastyrylǵanyn eske salamyz.