پروكۋراتۋرا نۇرقانات عايىپباەۆتىڭ ءىسى نە سەبەپتى جابىلعانىن ءتۇسىندىردى

فوتو: newqazaq.kz

الماتى وبلىسىنىڭ پروكۋراتۋراسى شەرزات بولاتتىڭ اعاسى نۇرقانات عايىپباەۆتىڭ ولىمىنە قاتىستى ءىستىڭ نە سەبەپتى توقتاتىلعانىن ءتۇسىندىردى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

الماتى وبلىستىق پوليتسيا دەپارتامەنتىنىڭ تەرگەۋ باسقارماسى نۇرقانات عايىپباەۆتىڭ ولىمىنە قاتىستى قىلمىستىق كودەكستىڭ 105-بابى 1-بولىگى بويىنشا تىركەلگەن قىلمىستىق ءىس اياسىندا سوتقا دەيىنگى تەرگەپ-تەكسەرۋدى اياقتادى دەيدى پروكۋراتۋرا.

“سوتقا دەيىنگى تەرگەپ-تەكسەرۋ بارىسىندا بولعان وقيعانىڭ بارلىق ءمان-جايىن جان-جاقتى, تولىق جانە وبەكتيۆتى انىقتاۋ ماقساتىندا قاجەت تەرگەۋ ارەكەتتەرى جۇرگىزىلدى. جينالعان دالەلدەر, ساراپتامالىق قورىتىندىلار مەن باسقا دا ماتەريالداردىڭ نەگىزىندە عايىپباەۆ نۇرقاناتتىڭ ءولىمى وزىنە قول جۇمساۋ (سۋيتسيد) سالدارىنان بولعانى انىقتالعان. ءۇشىنشى تۇلعالاردىڭ ىقپالىمەن سۋيتسيد جاساۋعا يتەرمەلەۋ فاكتىلەرى انىقتالعان جوق”, – دەپ مالىمدەدى پروكۋراتۋرا.

ۆەدومستۆونىڭ مالىمەتىنشە, وسىعان بايلانىستى بيىل 17 ماۋسىمدا تەرگەۋ ورگانى قىلمىستىق-پرتسەسسۋالدىق كودەكستىڭ تالاپتارىمەن ءىستى توقتاتۋ تۋرالى شەشىم قابىلدانعان.

ەسكە سالايىق, بۇعان دەيىن شەرزات پولاتتىڭ اكەسى قارجاۋباي نۇرىموۆ ايتبەك امانگەلدىمەن باستاپقىدا بىرگە جۇمىس ىستەگەن, بىراق نۇرعانات عايىپباەۆتىڭ ولىمىنە قاتىستى ء«وزى اسىلىپ ءولدى» دەگەن سوزىنە كەلىسپەي, اراقاتىناس ۇزىلگەن. ول ادۆوكات مەيىرمان شەكەەۆكە جۇگىنىپ, ءىستى قايتا قولعا الۋعا ىقپال ەتكەن. ءىس باستاپقىدا «ادام ءولتىرۋ» بابىمەن تەرگەلگەنىمەن, كەيىن «بۇزاقىلىققا» وزگەرتىلگەن. نۇرىموۆ نۇرقاناتتىڭ ءوز-وزىنە قول جۇمساعانىنا سەنبەيدى جانە ءىستىڭ قايتا قارالۋىن قالايدى.