Prokýratýra Nurqanat Ǵaıypbaevtyń isi ne sebepti jabylǵanyn túsindirdi

Foto: newqazaq.kz

Almaty oblysynyń prokýratýrasy Sherzat Bolattyń aǵasy Nurqanat Ǵaıypbaevtyń ólimine qatysty istiń ne sebepti toqtatylǵanyn túsindirdi, dep jazdy qandastar.kz

Bul týraly Stan.kz aqparat agenttigi habarlaıdy.

Almaty oblystyq polıııa departamentiniń tergeý basqarmasy Nurqanat Ǵaıypbaevtyń ólimine qatysty Qylmystyq kodekstiń 105-baby 1-bóligi boıynsha tirkelgen qylmystyq is aıasynda sotqa deıingi tergep-tekserýdi aıaqtady deıdi prokýratýra.

“Sotqa deıingi tergep-tekserý barysynda bolǵan oqıǵanyń barlyq mán-jaıyn jan-jaqty, tolyq jáne obektıvti anyqtaý maqsatynda qajet tergeý áreketteri júrgizildi. Jınalǵan dálelder, saraptamalyq qorytyndylar men basqa da materıaldardyń negizinde Ǵaıypbaev Nurqanattyń ólimi ózine qol jumsaý (sýııd) saldarynan bolǵany anyqtalǵan. Úshinshi tulǵalardyń yqpalymen sýııd jasaýǵa ıtermeleý faktileri anyqtalǵan joq”, – dep málimdedi prokýratýra.

Vedomstvonyń málimetinshe, osyǵan baılanysty bıyl 17 maýsymda tergeý organy qylmystyq-pressýaldyq kodekstiń talaptarymen isti toqtatý týraly sheshim qabyldanǵan.

Eske salaıyq, buǵan deıin Sherzat Polattyń ákesi Qarjaýbaı Nurymov Aıtbek Amangeldimen bastapqyda birge jumys istegen, biraq Nurǵanat Ǵaıypbaevtyń ólimine qatysty «ózi asylyp óldi» degen sózine kelispeı, araqatynas úzilgen. Ol advokat Meıirman Shekeevke júginip, isti qaıta qolǵa alýǵa yqpal etken. Is bastapqyda «Adam óltirý» babymen tergelgenimen, keıin «Buzaqylyqqa» ózgertilgen. Nurymov Nurqanattyń óz-ózine qol jumsaǵanyna senbeıdi jáne istiń qaıta qaralýyn qalaıdy.