جاڭالىقتار
پروكۋراتۋرا: جەتىم بالالارعا ارنالعان پاتەردە 2 جىل بويى شەنەۋنىك تۇرىپ كەلگەن
فوتو:pixabay
اقمولا وبلىسىنىڭ پروكۋراتۋراسى جەتىم بالالار مەن اتا-اناسىنىڭ قامقورلىعىنسىز قالعان بالالاردىڭ تۇرعىن ءۇي قۇقىقتارىن قورعادى, دەپ حابارلايدى qandastar.kz
قولدانىستاعى زاڭناماعا سايكەس بۇل ساناتتاعى بالالار تۇرعىن ءۇي الۋعا ءبىرىنشى كەزەكتە قۇقىلى.
سونىمەن قاتار جەرگىلىكتى اتقارۋشى ورگاندار تاراپىنان بالالاردىڭ مەملەكەتتىك تۇرعىن ءۇي قورىنان باسپانا الۋ قۇقىعى بۇزىلعان.
33 بالا زاڭسىز تۇردە ەسەپتەن شىعارىلعان, 8 بالا ۋاقىتىندا كەزەككە قويىلماعان, ال 1 بالاعا مۇلدە تۇرعىن ءۇي بەرۋدەن باس تارتىلعان.
«مىسالى, اۋدان ورتالىقتارىنىڭ بىرىندە جەتىم بالاعا ارنالعان پاتەردە ەكى جىل بويى مەملەكەتتىك مەكەمە باسشىسى تۇرعان. پروكۋراتۋرا ارالاسقاننان كەيىن پاتەر قايتارىلىپ, بالاعا بەرىلدى, قازىرگى ۋاقىتتا باسقا بالالاردىڭ بۇزىلعان قۇقىقتارىن قالپىنا كەلتىرۋ شارالارى قابىلدانىپ جاتىر», دەلىنگەن مالىمەتتە.
