Prokýratýra: Jetim balalarǵa arnalǵan páterde 2 jyl boıy sheneýnik turyp kelgen

Foto:pixabay

Aqmola oblysynyń prokýratýrasy jetim balalar men ata-anasynyń qamqorlyǵynsyz qalǵan balalardyń turǵyn úı quqyqtaryn qorǵady, dep habarlaıdy qandastar.kz

Qoldanystaǵy zańnamaǵa sáıkes bul sanattaǵy balalar turǵyn úı alýǵa birinshi kezekte quqyly.

Sonymen qatar jergilikti atqarýshy organdar tarapynan balalardyń memlekettik turǵyn úı qorynan baspana alý quqyǵy buzylǵan.

33 bala zańsyz túrde esepten shyǵarylǵan, 8 bala ýaqytynda kezekke qoıylmaǵan, al 1 balaǵa múlde turǵyn úı berýden bas tartylǵan.

«Mysaly, aýdan ortalyqtarynyń birinde jetim balaǵa arnalǵan páterde eki jyl boıy memlekettik mekeme basshysy turǵan. Prokýratýra aralasqannan keıin páter qaıtarylyp, balaǵa berildi, qazirgi ýaqytta basqa balalardyń buzylǵan quqyqtaryn qalpyna keltirý sharalary qabyldanyp jatyr», delingen málimette.