Prokýrorlar Perızat Qaıratqa 10 jyl, anasyna 8 jyl surady

Prokýratýra atyshýly iske núkte qoıýdy talap etti: qaıyrymdylyq atyn jamylyp mıllıardtaǵan teńge jymqyrdy dep aıyptalǵan Perızat Qaıratqa 10 jyl bas bostandyǵynan aıyrýdy surady. Sonymen qatar onyń múlkin tárkileý jáne 10 jyl boıy qaıyrymdylyqpen aınalysýǵa tyıym salý jazasyn da belgileýdi ótindi, dep habarlaıdy Qandastar.kz Skifnews.kz aqparat portalyna silteme jasap.

Aıyptaýshy prokýror Arman Qızikenniń aıtýynsha, Perızat Qaırattyń kinásin jeńildetetin eshqandaı jaǵdaı tabylmaǵan, kerisinshe, qylmys elde tótenshe jaǵdaı kezinde jasalǵandyqtan aýyrlatatyn mán-jaı retinde qarastyrylǵan.

Tergeý dereginshe, Perızat Qaırat pen onyń anasy Ǵaını Alashbaeva úsh epızod boıynsha alaıaqtyq jasaǵan: balalarǵa arnalǵan ońaltý ortalyǵyn salamyz, Palestına halqyna jáne sý tasqynynan zardap shekken qazaqstandyqtarǵa kómektesemiz dep halyqtan aqsha jınaǵan.

Prokýratýra olardyń qaıyrymdylyq jolymen jınalǵan shamamen 3,5 mıllıard teńgeni ıemdenip, keıin zańdastyrǵanyn málimdedi.

Sondaı-aq, aıyptaýshylar Arman Kezeken men Madına Orazalına Perızat Qaırat pen onyń anasy Gaını Alashbaevany asa iri kólemdegi alaıaqtyq jáne 3,5 mlrd teńgeni zańdastyrý isi boıynsha kináli dep tanýdy surady.

Perızat Qaıratqa — 10 jyl, anasyna — 8 jyl bas bostandyǵynan aıyrý jazasy suraldy.

Tergeý nusqasy boıynsha, áıelder qaıyrymdylyqqa dep aqsha jınap, ony jeke qajettilikterine jumsaǵan. Is úsh epızodtan turady:

126,7 mln teńge — múmkindigi shekteýli balalarǵa arnalǵan ortalyqqa,

559 mln teńge — Gaze halqyna kómekke,

2,8 mlrd teńge — sý tasqynynan zardap shekkenderge dep jınalǵan.