پۋتين قازاقستانعا «ماڭىزدى قۇجاتقا» قول قويۋعا كەلەدى

فوتو: اشىق دەرەككوز

سەنات توراعاسى ماۋلەن اشىمباەۆ رەسەي فەدەراتسياسى كەڭەسىنىڭ توراعاسى ۆالەنتينا ماتۆيەنكومەن ەكىجاقتى كەزدەسۋى بارىسىندا ءپۋتيننىڭ كەلەتىنىن حابارلادى, دەپ جازادى qandastar.kz stan.kz-كە سىلتەمە جاساپ.

ء«بىزدىڭ ەلشىلىك, ۇكىمەت بەلسەندى جۇمىس ىستەپ جاتىر. مەنىڭ ويىمشا, بۇل – وتە ماڭىزدى ساپار, وتە ماڭىزدى كەلىسىمدەر تالقىلانادى, ماڭىزدى قۇجاتتارعا قول قويىلادى. ۆلاديمير ءۆلاديميروۆيچتىڭ مەملەكەتتىك ساپارى قازاقستانعا جوعارى دەڭگەيدە وتەدى دەپ ويلايمىن», – دەدى اشىمباەۆ.

ءپۋتيننىڭ ساپارىنان كەيىن ماتۆيەنكو كەلمەك.

ۆالەنتينا ماتۆيەنكونىڭ ساپارى اياسىندا تاراپتار پارلامەنتتىڭ جوعارعى پالاتالارىنىڭ اپپارات باسشىلارى اراسىنداعى كەلىسىمگە قول قويادى دەگەن وي بار.

ونىڭ ايتۋىنشا, رەسەي پرەزيدەنتى ۆلاديمير ءپۋتيننىڭ قازاقستانعا ساپارى «رەسەيلىك-قازاقستاندىق قارىم-قاتىناستاعى ەڭ ماڭىزدى وقيعا» بولماق.

«بۇل, ارينە, كوپجاقتى, ءوزارا ءتيىمدى, ءوزارا سىيلاستىققا نەگىزدەلگەن رەسەيلىك-قازاقستاندىق ىنتىماقتاستىقتىڭ بولاشاق باعىتىن ايقىندايتىن وقيعا. ءبىز سىزدەرمەن مەملەكەتتىك ساپاردان كەيىن «پارلامەنتتىك قىزمەتىمىزدى قالاي قۇرۋعا بولاتىنىن» تالقىلاي الامىز», – دەدى ۆالەنتينا ماتۆيەنكو.

رەسەي پرەزيدەنتى 27 قاراشادا كەلەدى.

ايتا كەتەيىك, بۇعان دەيىن قازاقستان رەسەي پرەزيدەنتى ۆلاديمير ءپۋتيننىڭ مەملەكەتتىك ساپارىن كۇتىپ وتىرعانىن جانە ونىمەن بىرقاتار جوبالاردى تالقىلاۋعا ءۇمىتتى ەكەنىن مالىمدەگەن ەدى.