Pýtın Qazaqstanǵa «mańyzdy qujatqa» qol qoıýǵa keledi

Foto: ashyq derekkóz

Senat tóraǵasy Máýlen Áshimbaev Reseı Federaııasy keńesiniń tóraǵasy Valentına Matvıenkomen ekijaqty kezdesýi barysynda Pýtınniń keletinin habarlady, dep jazady qandastar.kz stan.kz-ke silteme jasap.

«Bizdiń elshilik, úkimet belsendi jumys istep jatyr. Meniń oıymsha, bul – óte mańyzdy sapar, óte mańyzdy kelisimder talqylanady, mańyzdy qujattarǵa qol qoıylady. Vladımır Vladımırovıchtiń memlekettik sapary Qazaqstanǵa joǵary deńgeıde ótedi dep oılaımyn», – dedi Áshimbaev.

Pýtınniń saparynan keıin Matvıenko kelmek.

Valentına Matvıenkonyń sapary aıasynda taraptar parlamenttiń joǵarǵy palatalarynyń apparat basshylary arasyndaǵy kelisimge qol qoıady degen oı bar.

Onyń aıtýynsha, Reseı prezıdenti Vladımır Pýtınniń Qazaqstanǵa sapary «reseılik-qazaqstandyq qarym-qatynastaǵy eń mańyzdy oqıǵa» bolmaq.

«Bul, árıne, kópjaqty, ózara tıimdi, ózara syılastyqqa negizdelgen reseılik-qazaqstandyq yntymaqtastyqtyń bolashaq baǵytyn aıqyndaıtyn oqıǵa. Biz sizdermen memlekettik sapardan keıin «parlamenttik qyzmetimizdi qalaı qurýǵa bolatynyn» talqylaı alamyz», – dedi Valentına Matvıenko.

Reseı prezıdenti 27 qarashada keledi.

Aıta keteıik, buǵan deıin Qazaqstan Reseı prezıdenti Vladımır Pýtınniń memlekettik saparyn kútip otyrǵanyn jáne onymen birqatar jobalardy talqylaýǵa úmitti ekenin málimdegen edi.