Pýtın kek qaıtarady. Kremlge qarsy túrki alıansyn kúsheıtý kerek — ázirbaıjan sarapshysy

Foto: ashyq derekkóz

Ázerbaıjan prezıdenti Ilham Álıev III Shýsha jahandyq medıaforýmynda Ońtústik Kavkazdy turaqtylyq pen tynyshtyq mekenine aınaldyrý kerek degen málimdeme jasady, dep jazady qandastar.kz

Álıevtiń aıtýynsha, bul óńir ǵasyrlar boıy soǵys pen qaqtyǵystardan kóz ashpaǵan. «Endigi jerde beıbit ómir súretin kez keldi», – dedi ol.

Osy málimdemege qatysty pikir bildirgen «Atlas» saıası zertteýler ortalyǵynyń basshysy, saıası sarapshy Elhan Shahınoǵlý Ázerbaıjan beıbit ómirge umtylǵanymen, Kremldiń ustanymy buǵan qaıshy ekenin aıtty dep jazady Ertenmedia.

Sarapshynyń paıymdaýynsha, Reseı áli de bolsa Kavkazda jaǵdaıdy ýshyqtyrýdy jalǵastyryp keledi.

«Búgingi kúni basty suraq mynaý: Kreml Ázerbaıjanǵa qarsy taǵy qandaı arandatýǵa barady? Olar bizdiń Reseıdegi dıaspora ókilderimizge qysymdy kúsheıtip, túrli provokaııaǵa jol ashýy múmkin. Ásirese aýylsharýashylyǵy ónimderimizdi keri qaıtarý jaǵdaılary qaıtadan qaıtalanýy ǵajap emes. Ýkraınaǵa qarsy soǵys ashqaly Reseıdiń memlekettik arnalarynyń shovınıstik sıpattaǵy sarapshylary men Z-blogerleri Ázerbaıjanǵa qarsy arandatýdy údetýdi usynýda», – deıdi Shahınoǵlý.

Onyń sózinshe, eger Reseıdiń áskeri Qarabaqta «bitimger» retinde qalsa, bul shyn máninde qaýipti jaǵdaı bolar edi.

Biraq qazirgi ýaqytta Reseı áskeri Ázerbaıjan aýmaǵynan tolyq shyǵarylǵan. Alaıda soltústik kórshiden kelýi yqtımal arandatýshylyq áreketterge daıyn bolý qajet deıdi sarapshy.

Ol Kremldiń qazirdiń ózinde ázerbaıjandyq kásipkerlerdiń Reseıdegi kapıtalyn salyqtyq tekseristerdi jeleý etip, tartyp alýy yqtımal ekenin aıtty.

«Reseıdiń Grýzııaǵa qarsy soǵysy kezinde kóptegen grýzındi elden deportaııalaǵany este. Bul ádisti endi Reseıdegi ázerbaıjandarǵa qarsy qoldanýy múmkin. Sol úshin bizge shuǵyl túrde aýylsharýashylyǵy ónimderimizge jańa naryq izdeý qajet. Sondaı-aq Reseıden elge qaıtýǵa nıetti ázerbaıjandar úshin Qarabaq pen Shyǵys Zangezýrda kásipkerlikpen aınalysýǵa jeńildik berip, arnaıy nesıeleýdi qarastyrý kerek», – deıdi sarapshy.

Shahınoǵlý Reseı men Irannyń Kaspıı teńizinde birlesken áskerı jattyǵý ótkizý josparynan da qaýiptenedi. Onyń oıynsha, bul jattyǵý kezinde eki eldiń áskerı kemeleri Ázerbaıjannyń teńizdegi shekarasyn buzýy múmkin. Budan bólek, Reseıdiń Dagestanmen shekarada qosymsha áskerı kúshterin shoǵyrlandyrýy yqtımal ekenin joqqa shyǵarmaıdy.

«Reseı byltyr jeltoqsan aıyna deıin Ázerbaıjanmen qalypty qarym-qatynas ustanyp keldi. Logıkaǵa salsaq, Kreml qazir Ázerbaıjanmen jaǵdaıdy shıelenistirmeýge tıis. Biraq Reseı basshylyǵy qashannan beri aqylǵa qonymdy sheshimder qabyldap edi?» – deıdi Shahınoǵlý.

Sarapshy Reseıdiń yqtımal áreketterine jaýap retinde Ázerbaıjannyń Túrkııa jáne Ortalyq Azııadaǵy túrki memleketterimen áskerı jattyǵýlar sanyn arttyrýǵa keńes berdi. Onyń pikirinshe, bul soltústik baǵyttan tónetin qaýiptiń aldyn alýǵa múmkindik beredi.