الەم جاڭالىقتارى
پۋتين مايدانداعى شابۋىلدى توقتاتۋعا دايىن
فوتو: اشىق دەرەككوز
پۋتين مايدانداعى شابۋىلدى توقتاتۋعا دايىن, دەپ جازدى qandastar.kz
رەسەي پرەزيدەنتى مايدان شەبىندە ۋكرايناعا جاپپاي شابۋىلداپ, باسىپ كىرۋ ارەكەتتەرىن توقتاتۋدى ۇسىندى. بۇل تۋرالى Financial Times باسىلىمى ءۇش دەرەككوزگە سىلتەمە جاساپ مالىمدەدى. ولاردىڭ ايتۋىنشا, پۋتين دونەتسك, لۋگانسك, حەرسون جانە زاپوروجە وبلىستارىن تولىق باقىلاۋ تۋرالى تالاپقا مويىنسۇنۋعا دايىن. تەك اقش ماسكەۋگە كەڭىرەك گەوساياسي جەڭىلدىكتەر جاساسا بولعانى. كرەمل بيلىگى امەريكادان قىرىمدى مويىنداپ, ۋكراينانىڭ ناتو — عا كىرۋىنە تىيىم سالۋىن كۇتىپ وتىر.
atamekenbusiness_qaz جازعانداي, مۇنداي مالىمدەمەنى رەسەي پرەزيدەنتى اقش-تان كەلگەن ارنايى وكىل ستيۆەن ۆيتكوففپەن كەزدەسۋدە ايتقان. ەكىجاقتى كەلىسسوز 11 ساۋىردە سانكت-پەتەربۋرگتە وتكەن بولاتىن. ءباسپاسوز حاتشىسى دميتري پەسكوۆ بەيبىت مامىلەگە قاتىستى قارقىندى جۇمىس ءجۇرىپ جاتقانىن حابارلاعان. الايدا, بىردەن ناتيجە كۇتۋ مۇمكىن ەمەستىگىن, ول ءۇشىن ماڭىزدى شەشىمدەر قابىلداپ, كوپ ۋاقىت قاجەتتىگىن ايتقان.
