الەم جاڭالىقتارى
پۋتين مەن ەردوعان قازاقستاندا كەلىسسوزدەر جۇرگىزۋى مۇمكىن
فوتو: Sky News
جاقىن ارادا تۇركيا پرەزيدەنتى رەجەپ تايىپ ەردوعان مەن رەسەي پرەزيدەنتى ۆلاديمير پۋتين استانادا كەزدەسۋى مۇمكىن. بۇل تۋرالى Habertürk تەلەارناسىنا بەرگەن سۇحباتىندا تۇرىك ءسىم باسشىسى حاكان فيدان مالىمدەدى.
مينيستر, ەردوعان جانە پۋتينمەن 2-4 شىلدەدە استانادا وتەتىن شانحاي ىنتىماقتاستىق ۇيىمىنىڭ (شىۇ) ءسامميتى اياسىندا كەلىسسوزدەر جۇرگىزەتىنىن اتاپ ءوتتى.
تەلەارنا دەرەككوزدەرىنىڭ حابارلاۋىنشا, تۇرىك كوشباسشىسى رەسەيلىك ارىپتەسىمەن ۋكرايناداعى جاعدايدى جانە ەكىجاقتى ماسەلەلەردى, اتاپ ايتقاندا تۇركيادا گاز حابىن سالۋدى تالقىلاۋعا ۇمىتتەنەدى.
سونداي-اق, حاكان فيداننىڭ ايتۋىنشا, تۇركيا ولاردىڭ ەلدەرىنە رەسەي پرەزيدەنتىنىڭ رەسمي ساپارىن كۇتۋدە.
ء«بىز پۋتين مىرزانىڭ تۇركياعا ساپارىن كۇتەمىز. پرەزيدەنت ەردوعاننىڭ شاقىرۋلارى اشىق بولدى. ولاردا جانە بىزدە سايلاۋ پروتسەسى بولدى. مەنىڭ ويىمشا, بۇل ماسەلەلەر الداعى كۇندەرى تالقىلانادى», – دەدى تۇركيا ءسىم باسشىسى.
رەسەي پرەزيدەنتىنىڭ ءباسپاسوز حاتشىسى دميتري پەسكوۆ ريا نوۆوستيگە پۋتين مەن ەردوعاننىڭ قازاقستان استاناسىندا كەزدەسۋ مۇمكىندىگى پىسىقتالىپ جاتقانىن راستادى.
