Pýtın men Erdoǵan Qazaqstanda kelissózder júrgizýi múmkin

Foto: Sky News

Jaqyn arada Túrkııa prezıdenti Rejep Taıyp Erdoǵan men Reseı prezıdenti Vladımır Pýtın Astanada kezdesýi múmkin. Bul týraly Habertürk telearnasyna bergen suhbatynda Túrik SIM basshysy Hakan Fıdan málimdedi.

Mınıstr, Erdoǵan jáne Pýtınmen 2-4 shildede Astanada ótetin Shanhaı Yntymaqtastyq Uıymynyń (ShYU) sammıti aıasynda kelissózder júrgizetinin atap ótti.

Telearna derekkózderiniń habarlaýynsha, túrik kóshbasshysy reseılik áriptesimen Ýkraınadaǵy jaǵdaıdy jáne ekijaqty máselelerdi, atap aıtqanda Túrkııada gaz habyn salýdy talqylaýǵa úmittenedi.

Sondaı-aq, Hakan Fıdannyń aıtýynsha, Túrkııa olardyń elderine Reseı Prezıdentiniń  resmı saparyn kútýde.

«Biz Pýtın myrzanyń Túrkııaǵa saparyn kútemiz. Prezıdent Erdoǵannyń shaqyrýlary ashyq boldy. Olarda jáne bizde saılaý proesi boldy. Meniń oıymsha, bul máseleler aldaǵy kúnderi talqylanady», – dedi Túrkııa SIM basshysy.

Reseı prezıdentiniń baspasóz hatshysy Dmıtrıı Peskov RIA Novostıge Pýtın men Erdoǵannyń Qazaqstan astanasynda kezdesý múmkindigi pysyqtalyp jatqanyn rastady.