جاڭالىقتار
پۋتين تاعى ءبىر سوعىستى باستاي ما?
فوتو:reuters
پۋتين تاعى ءبىر سوعىستى باستاۋعا نيەتتى, دەپ جازدى qandastar.kz
اقش گرەنلانديانى باسىپ السا, اركتيكادا سوعىس باستالۋى مۇمكىن. رەسەي پرەزيدەنتى ۆلاديمير پۋتين ەسكەرتۋ جاسادى. ول قاۋىپسىزدىك جونىندەگى كەزدەسۋدە, ەلدىڭ سولتۇستىك اۋماقتارىن قورعاۋعا دايىن ەكەنىن اشىق ايتتى. ۆاشينگتوننىڭ بۇنى ەسكەرمەۋى ۇلكەن قاتەلىك دەدى.
ءپۋتيننىڭ پايىمىنشا, اق ءۇي گرەنلانديانى باسىپ الۋ ساياساتىن 19 عاسىردان بەرى ويلاستىرىپ كەلەدى. بۇل دانيا مەن اقش اراسىنداعى ماسەلە بولعانىمەن, ناتو-نىڭ اركتيكانى ءجيى جاعالاۋى ماسكەۋدى الاڭداتادى.
atamekenbusiness_qaz حابارلاعانداي, ترامپتىڭ ارال مەملەكەتىن باسىپ الۋ تۋرالى مالىمدەمەسىنەن كەيىن, رەسەي اركتيكانى دامىتۋدى قايتا قولعا العان. سونداي-اق, وڭىردە شوعىرلانعان اسكەريلەردىڭ دە سانىن ارتتىرۋعا كىرىسكەن.
