جاڭالىقتار
پۋتين تاعى دا «يادرولىق قارۋمەن» قورقىتتى
فوتو: اشىق دەرەككوزدەن
رەسەي فەدەراتسياسىنىڭ پرەزيدەنتى ۆلاديمير پۋتين يادرولىق قارۋدى قولدانۋ مۇمكىندىگى تۋرالى تاعى دا مالىمدەدى, دەپ حابارلايدى Qandastar.kz Ulysmedia.kz سىلتەمە جاساپ.
يادرولىق قارۋدى قاي كەزدە قولدانۋى مۇمكىن
پۋتين قاۋىپسىزدىك كەڭەسىنىڭ وتىرىسىندا ءسوز سويلەدى.
«يادرولىق قارۋدى قولدانۋ شارتتارىن ايقىنداۋ بولىگىندە بىرقاتار ناقتىلاۋلار ەنگىزۋ ۇسىنىلدى. ماسەلەن, نەگىزدەر جوباسىندا مەملەكەتتەر مەن اسكەري وداقتار ساناتى كەڭەيتىلدى. بەيتاراپتاندىرۋ ءۇشىن يادرولىق تەجەۋ ءىس-شارالارى ورىندالاتىن اسكەري قاۋىپتەردىڭ تىزبەسى تولىقتىرىلدى. ءسىزدىڭ نازارىڭىزدى مىناعان اۋدارعىم كەلەدى: قۇجاتتىڭ جاڭارتىلعان رەداكتسياسىندا كەز – كەلگەن يادرولىق ەمەس مەملەكەت تاراپىنان بىراق يادرولىق مەملەكەتتىڭ قاتىسۋىمەن نەمەسە قولداۋىمەن رەسەيگە قارسى اگرەسسيانى, ولاردىڭ رەسەي فەدەراتسياسىنا بىرلەسكەن شابۋىلى رەتىندە قاراستىرۋ ۇسىنىلادى», – دەدى ول.
ول رەسەي وداقتاس مەملەكەتتىڭ قاتىسۋشىسى رەتىندە رەسەي مەن بەلارۋسسياعا قارسى «اگرەسسيا» جاعدايىندا يادرولىق قارۋدى قولدانۋ قۇقىعىن وزىنە قالدىراتىنىن ءتۇسىندىردى.
زەلەنسكي نە دەدى
بۇعان دەيىن ۋكراينا پرەزيدەنتى ۆلاديمير زەلەنسكي ۋكرايناداعى سوعىستىڭ اياقتالۋىنا كوبى ويلاعاننان دا از قالعانىن مالىمدەپ, وداقتاستارىن ەلدىڭ اسكەرىن كۇشەيتە تۇسۋگە شاقىردى.
جەڭىس جوسپارى
«جەڭىس جوسپارى – بۇل ۋكراينانى كۇشەيتۋ. سوندىقتان دا ءبىز دوستارىمىزدى, وداقتاستارىمىزدى ءبىزدى كۇشەيتۋگە شاقىرامىز. بۇل – وتە ماڭىزدى. مەنىڭشە, بەيبىتشىلىك ءبىز ويلاعاننان دا جاقىن. ءبىز سوعىستىڭ اياقتالۋىنا جاقىنداپ قالدىق» دەدى زەلەنسكي ABC News-كە بەرگەن سۇحباتىندا.
