الەم جاڭالىقتارى
«پۋتين ترامپتان قورقادى» – زەلەنسكي
فوتو: ۆالەري شاريفۋلين / تاسس
ۆلاديمير زەلەنسكي اقش-تىڭ جاڭادان سايلانعان پرەزيدەنتى دونالد ترامپ ۋكرايناداعى سوعىسقا قالاي اسەر ەتە الاتىنى تۋرالى ويىن ايتتى. بۇل تۋرالى ول «ەدينىە نوۆوستي» تەلەمارافونىنا بەرگەن سۇحبات بارىسىندا ايتتى, دەپ حابارلايدى Ulysmedia.kz.
سۇحبات بارىسىندا اڭگىمەنىڭ ەداۋىر بولىگى اقش-تىڭ سايلانعان پرەزيدەنتى دونالد ترامپقا ارنالدى. ۆلاديمير زەلەنسكيدىڭ ايتۋىنشا, ترامپ قازىرگى جاعدايدا شەشۋشى ءرول اتقارا الادى.
– بۇل سوعىستا ترامپ بىزگە ءپۋتيندى توقتاتۋعا كومەكتەسە الادى. مەنىڭ ويىمشا, ترامپ شىنىمەن دە سوعىستى توقتاتقىسى كەلەدى. مەن بۇعان سەنەمىن, — دەدى ۋكراينا پرەزيدەنتى.
زەلەنسكيدىڭ سوزىنشە, ونىڭ ترامپپەن قارىم-قاتىناسىندا ازىرگە جاعىمسىز جايتتار بولعان جوق. سونداي-اق ونىڭ ايتۋىنشا, ەۋروپالىقتار قازىر اقش-تىڭ سايلانعان پرەزيدەنتىنىڭ ۇستانىمىنا باعىتتالىپ وتىر. زەلەنسكيدىڭ پىكىرىنشە, ەگەر ترامپ ۋكراينانى قولداسا, بۇل ۋكرايناعا ءوز ەلىن عانا ەمەس, باسقا دا ەلدەردى بىرىكتىرۋگە كومەكتەسەدى.
ۆلاديمير ءپۋتيننىڭ ترامپقا دەگەن كوزقاراسى تۋرالى زەلەنسكي بىلاي دەدى:
مەنىڭ ويىمشا, پۋتين ترامپتان قورقادى. سوندىقتان كرەملدىڭ بەلگىلى ءبىر پىكىرلەرىن ترامپ اكىمشىلىگىنە جەتكىزۋ ءۇشىن ءتۇرلى ارەكەتتەر جاساپ جاتىر.
ايتا كەتەيىك, دونالد ترامپتىڭ يناۋگۋراتسياسى 2025 جىلدىڭ 20 قاڭتارىندا وتەدى. ول سايلاۋالدى ناۋقانى كەزىندە رەسەي مەن ۋكراينا اراسىنداعى سوعىستى تەز توقتاتا الاتىنىن مالىمدەگەن بولاتىن.
