«Pýtın Tramptan qorqady» – Zelenskıı

Foto: Valerıı Sharıfýlın / TASS

Vladımır Zelenskıı AQSh-tyń jańadan saılanǵan prezıdenti Donald Tramp Ýkraınadaǵy soǵysqa qalaı áser ete alatyny týraly oıyn aıtty. Bul týraly ol «Edınye novostı» telemarafonyna bergen suhbat barysynda aıtty, dep habarlaıdy Ulysmedia.kz.

Suhbat barysynda áńgimeniń edáýir bóligi AQSh-tyń saılanǵan prezıdenti Donald Trampqa arnaldy. Vladımır Zelenskııdiń aıtýynsha, Tramp qazirgi jaǵdaıda sheshýshi ról atqara alady.

– Bul soǵysta Tramp bizge Pýtındi toqtatýǵa kómektese alady. Meniń oıymsha, Tramp shynymen de soǵysty toqtatqysy keledi. Men buǵan senemin, — dedi Ýkraına prezıdenti.
Zelenskııdiń sózinshe, onyń Tramppen qarym-qatynasynda ázirge jaǵymsyz jaıttar bolǵan joq. Sondaı-aq onyń aıtýynsha, eýropalyqtar qazir AQSh-tyń saılanǵan prezıdentiniń ustanymyna baǵyttalyp otyr. Zelenskııdiń pikirinshe, eger Tramp Ýkraınany qoldasa, bul Ýkraınaǵa óz elin ǵana emes, basqa da elderdi biriktirýge kómektesedi.

Vladımır Pýtınniń Trampqa degen kózqarasy týraly Zelenskıı bylaı dedi:

Meniń oıymsha, Pýtın Tramptan qorqady. Sondyqtan Kremldiń belgili bir pikirlerin Tramp ákimshiligine jetkizý úshin túrli áreketter jasap jatyr.
Aıta keteıik, Donald Tramptyń ınaýgýraııasy 2025 jyldyń 20 qańtarynda ótedi. Ol saılaýaldy naýqany kezinde Reseı men Ýkraına arasyndaǵy soǵysty tez toqtata alatynyn málimdegen bolatyn.