پۋتين ۋكرايناعا قارسى سوعىستا يادرولىق قارۋدى قولدانۋ بويىنشا پىكىر ءبىلدىردى

فوتو: ريا نوۆوستي/سەرگەي گۋنەەۆ

ۆلاديمير پۋتين ۋكراينانىڭ ماسكەۋدى يادرولىق قارۋدى قولداناتىن جاعدايعا جەتكىزبەۋگە ۇمىتتەنەتىنىن جەتكىزدى. ايتۋىنشا, ەگەر قالاسا رەسەيدە ءوز ماقساتىنا جەتۋگە بارلىق كۇش پەن قاراجات بار, دەپ جازدى qandastar.kz

 بۇل تۋرالى Stan.kz اقپارات اگەنتتىگى حابارلايدى.

رەسەي پرەزيدەنتى مۇنى پاۆەل زارۋبينگە بەرگەن سۇحباتىندا مالىمدەدى. ونىڭ ايتۋىنشا, رەسەيدە ءوز ماقساتتارىنا جەتۋ ءۇشىن مۇنداي قارۋدان باسقا جەتكىلىكتى كۇش پەن قاراجات بار.

ء«بىزدى ارانداتىپ, قاتەلىكتەر جىبەرگەنىمىزدى قالايدى. ال, يادرولىق قارۋدى قولدانۋدىڭ قاجەتى جوق. بۇل قارۋ-جاراق ءارى قاراي دا قاجەت بولمايدى دەپ ۇمىتتەنەمىن. بىزدە 2022 جىلى باستالعان ماسەلەنى رەسەي ءۇشىن قاجەتتى ناتيجەمەن لوگيكالىق قورىتىندىعا جەتكىزۋ ءۇشىن جەتكىلىكتى كۇش پەن قاراجات بار», — دەدى پۋتين.

سۇحباتىندا پۋتين سونىمەن بىرگە ۋكراينامەن ءسوزسسىز تاتۋلاساتىنىن جەتكىزدى.

«مەنىڭ ويىمشا, ءبىز قازىر باستان وتكەرىپ جاتقان بارلىق قايعىلى جاعدايعا قاراماستان, بۇل ءسوزسىز… بۇل ۋاقىت ماسەلەسى», – دەدى ول.

بۇعان دەيىن باتىس ساياساتكەرلەرى ۋكرايناداعى قاقتىعىسقا بايلانىستى يادرولىق سوعىستىڭ باستالۋ قاۋپى تۋرالى بىرنەشە رەت ايتقان بولاتىن. پۋتين بۇعان جاۋاپ رەتىندە رەسەي يادرولىق قارۋدى ءبىرىنشى بولىپ قولدانعىسى كەلمەيتىنىن مالىمدەدى.

2024 جىلدىڭ كۇزىندە پۋتين رەسەيدىڭ يادرولىق دوكتريناسىن جاڭارتۋدى ۇسىندى. ونىڭ ايتۋىنشا, يادرولىق قارۋدى ماسكەۋ «شەكتەن تىس جانە ءماجبۇرلى شارا بولىپ تابىلاتىن تەجەۋ قۇرالى» رەتىندە قاراستىرادى.

ەسكە سالساق, زەلەنسكي جەڭىس كۇنىنە وراي ءبىتىم جاريالاۋ تۋرالىءپۋتيننىڭ ۇسىنىسىن قابىلداماعان ەدى.